Jackky Bhagnani : పెళ్లిపై సీరియ‌స్‌గా రియాక్ట్ అయిన ర‌కుల్ ప్రీత్
ర‌కుల్ ప్రీత్ సింగ్, బాలీవుడ్ న‌టుడు, నిర్మాత అయిన జాకీ భ‌గ్నానీని పెళ్లి చేసుకుంటున్న‌ట్లు సోష‌ల్ మీడియా ద్వారా తెలియ‌జేసిన సంగతి తెలిసిందే. త్వరలోనే నే వీరిద్ద‌రూ పెళ్లి చేసుకుని ఓ ఇంటివార‌వుతార‌ని వార్తలు నెట్టింట తెగ హల్ చేశాయి. కొందరు అయితే ఆల్ రెడీ వారిద్దరూ పెళ్లి చేసేసుకున్నారని కూడా రాశారు. ఈ వార్త‌ల‌పై ర‌కుల్ అస‌హ‌నాన్ని వ్య‌క్తం చేశారు. తాను ప్రేమ విష‌యాన్ని బ‌హిరంగంగా చెప్పిన‌ట్లే పెళ్లి చేసుకునేట‌ప్పుడు కూడా అంద‌రికీ చెప్పే చేసుకుంటాన‌ని ర‌కుల్ కుండ బద్ద‌లు కొట్టేసింది. ప్ర‌స్తుతం త‌న చేతిలో దాదాసే ప‌ది బాలీవుడ్ సినిమాలు ఉన్నాయని, వాటిని పూర్తి చేసే ప‌నిలో ఉన్నాన‌ని, ద‌యచేసి త‌న‌ను డిస్ట్ర‌బ్ చేయ‌వ‌ద్ద‌ని కోరింది. మ‌రో వైపు త‌న ప్రేమ వ్య‌వ‌హారంపై కూడా ఆమె రియాక్ట్ అయ్యారు. తాను ఇంకా జాకీ భ‌గ్నానీ ప్రేమ‌ను పూర్తిగా ఆస్వాదించ‌లేద‌ని ర‌కుల్ అన్నారు. త‌మ ఆలోచ‌న‌లు, కుటుంబం, స్నేహితుల‌కు ఇచ్చే ప్రాధాన్య‌త దాదాపు ఒకేలా ఉంటాయ‌ని, ఇద్ద‌రూ వ‌ర్క‌వుట్స్ చేయ‌డం.. చ‌క్క‌గా తిన‌డం విషయంలోనూ ఒకేలా ఆలోచిస్తామ‌ని అందుక‌నే ఇద్ద‌రం క‌నెక్ట్ అయ్యామ‌ని ర‌కుల్ ఈ సంద‌ర్భంగా తెలియ‌జేసింది. ప్ర‌స్తుతం ర‌కుల్ ప్రీత్ సింగ్ త‌న ఫోక‌స్ అంతా బాలీవుడ్‌పైనే పెట్టింది. పుష్క‌ర కాలంగా హీరోయిన్‌గా తెలుగు, త‌మిళ ప్రేక్ష‌కుల‌ను ఆక‌ట్టుకుంటున్న ర‌కుల్ ప్రీత్ సింగ్ టాలీవుడ్‌లో మ‌హేశ్‌, ఎన్టీఆర్‌, రామ్‌చ‌ర‌ణ్ వంటి అగ్ర హీరోలంద‌రితో దాదాపు న‌టించారు. అలాగే ఆమె ఓవైపు సినిమాలు, మ‌రో వైపు ఫిట్‌నెస్ రంగంలో రాణిస్తూ బిజీగా కూడా ఉంది. ఎఫ్ 45 అనే జిమ్ సెంట‌ర్‌ను కూడా ర‌కుల్ నిర్వ‌హిస్తోంది. అలాగే వీలునప్పుడల్లా సోష‌ల్ మీడియాలోనూ త‌న ఫిట్‌నెస్ ర‌హ‌స్యాలు, యోగ గురించి చెబుతూ యాక్టివ్‌గా ఉంటుంది. రీసెంట్‌గా ఆమె వైష్ణ‌వ్ తేజ్‌తో న‌టించిన కొండ‌పొలం చిత్రం బాక్సాఫీస్ వ‌ద్ద డిజాస్ట‌ర్‌గా నిలిచింది.
By January 09, 2022 at 07:51AM
No comments