వామ్మో.. ఏనుగు పాలు తాగిన మూడేళ్ల చిన్నారి..!
మేక పొదుగు నుంచి డైరక్ట్‌గా పాలు తాగిన వారిని చూశాం. పెద్దవాళ్లైనా, చిన్నవాళ్లైనా సరే గ్రామాల్లో అలా మేక పొదుగు నుంచి పాలు తాగడం అత్యంత సహజం. కానీ ఓ ఏనుగు పొదుగు నుంచి పాలు తాగింది. నమ్మశక్యంగా అనిపించడం లేదు కదూ. ఇది అసోంలో జరిగింది. ఓ మూడేళ్ల పాప కిందకు దూరి దాని పొదుగును పట్టుకుని పాలు తాగింది. దీనికి సంబంధించిన వీడియో సోషల్ మీడియాలో హల్ చల్ చేస్తోంది. గోలాఘాట్ జిల్లాకు చెందిన హర్షిత బోరా అనే మూడేళ్ల చిన్నారి ఏనుగు దగ్గర బిను బిను అంటూ దాని దగ్గరే ఆటలాడుకుంది. అంతలోనే ఎవరూ ఊహించని విధంగా దాని కిందకు వెళ్లి పొదుగును నొక్కుతూ పాలు తాగింది. అయినా ఆ ఏనుగు ఏమి అనలేదు. అక్కడే ఇంకో చిన్నారి కూడా ఉంది. కొందరు పెద్ద వాళ్లు కూడా ఉన్నారు. ఎవరో ఈ దృశ్యాలను రికార్డ్ చేసి వీడియోను సోషల్ మీడియాలో షేర్ చేశారు. ఆ వీడియోను చూసిన నెటిజన్లు ఆశ్చర్యపోతున్నారు. ఆ ఏనుగు పాపను ఏదైనా చేసుంటే అనే ఆందోళనను వ్యక్తం చేశారు. ఏనుగులకు ఒక్కోసారి కోపంతో ఊగిపోతాయి. తొండంతో పట్టుకుని విసిరేయడమే కాకుండా.. కాళ్లతో తొక్కి చంపేస్తుంటాయి. ఇలాగే ఒడిశాలోని పలు ప్రాంతాల్లో ఏనుగు బీభత్సం సృష్టిస్తుంటాయి. ఇటీవల ఓ ఏనుగు బస్సునే తొండంతో నెట్టడానికి ప్రయత్నించింది. అప్పుడు ప్రయాణికులు బస్సులోనే ఉన్నారు. ఆ ప్రమాదం నుంచి ఎలాగో తప్పించుకున్నారు. అలాంటిది ఈ పాప ఆ ఏనుగుతోనే ఆటలాడుకుంది.
By January 30, 2022 at 12:04PM
No comments