ప్రభాస్-మారుతి ప్రాజెక్ట్.. క్లారిటీ ఇచ్చిన దర్శకుడు

ప్రస్తుతం పాన్ ఇండియన్ హీరో. ప్రభాస్ చేసే సినిమాల మీద అంతర్జాతీయ స్థాయి నటీనటుల కన్ను ఉంటుంది. ప్రభాస్ సినిమాలన్నీ కూడా ప్రపంచ వ్యాప్తంగా విడుదలవుతుంటాయి. అలాంటి ప్రభాస్ దర్శకత్వంలో సినిమా ఓకే చేశాడు అని రూమర్లు రావడంతో ఒక్కసారిగా అంతా షాక్ అవుతున్నారు. మిగతా హీరో ఫ్యాన్స్ కూడా మమ్మల్ని చూసి జాలి పడుతున్నారు అన్నా.. ప్లీజ్ మారుతితో సినిమా చేయకు అన డార్లింగ్ ఫ్యాన్స్ వేడుకుంటున్నారు. గత రెండు రోజులుగా సోషల్ మీడియాలో ఇదే హాట్ టాపిక్ అవుతోంది. ప్రభాస్ మారుతి కాంబినేషన్‌లో సినిమా ఫిక్స్ అయిందని, డీవీవీ దానయ్య ఈ చిత్రాన్ని నిర్మించబోతోన్నాడని, తమన్ సంగీతం అందించనున్నాడని గాసిప్పులు బయటకు వచ్చాయి. రాజా డీలక్స్ అనే టైటిల్ కూడా కన్పామ్ అయిందట. ఈ వార్తల పట్ల డార్లింగ్ ఫ్యాన్స్ తీవ్ర ఆగ్రహావేశానికి లోనవుతున్నారు. సినిమాలు చేయకపోయినా పర్లేదు కానీ మారుతితో మాత్రం చేయకు అని కోరుకుంటున్నారు. ఇక ఇది రూమరో, అఫీషియల్‌గా ఫిక్స్ అయిన ప్రాజెక్టో ఏమో గానీ దీని పట్ల ప్రభాస్ ఫ్యాన్స్ మాత్రమే కాకుండా సాధారణ ప్రేక్షకులు కూడా పెదవి విరుస్తున్నారు. ప్రభాస్ స్టేటస్‌కు తగ్గ కథను మారుతి ఇవ్వగలడా? అంతర్జాతీయ స్థాయిలో సినిమాను చేయగలడా? అంటూ అనుమానాలు వ్యక్తం చేస్తున్నారు. అయితే ఈ ప్రాజెక్ట్ మీద వస్తోన్న రూమర్ల గురించి మారుతి స్పందించాడు. నా భవిష్యత్ ప్రాజెక్ట్, టైటిల్, జానర్, మ్యూజిక్ డైరెక్టర్ వంటి వాటి గురించి రూమర్లు వస్తున్నాయి. కాలమే అన్నింటికి సమాధానం చెబుతుంది. మీ సపోర్ట్, ప్రోత్సాహానికి థ్యాంక్స్. జాగ్రత్తగా ఉండండి.. స్టే సేఫ్ అంటూ ట్వీట్ వేశాడు మారుతి. మొత్తానికి ఈ ప్రాజెక్ట్ ఉన్నట్టా? లేనట్టా? అన్నది మాత్రం క్లారిటీ రాలేదు.

By January 23, 2022 at 07:28AM

Read More https://telugu.samayam.com/telugu-movies/cinema-news/director-maruthi-gives-clarity-on-project-with-prabhas/articleshow/89068145.cms