మెగా క్యాంప్ రిక్వెస్ట్‌...కీర్తి సురేష్ భర్తగా మారుతున్న యంగ్ హీరో!
టాలీవుడ్ యంగ్ హీరో స్టార్ హీరోయిన్ కీర్తి సురేష్‌కి భర్తగా మార‌బోతున్నార‌ట. అదేంటి? హీరోయిన్‌గా ఫుల్ బిజీగా ఉందిగా! అప్పుడే ఎందుకు పెళ్లి చేసుకుంటుంద‌నే సందేహం కూడా చాలా మందికి రావ‌చ్చు. ఇంత‌కీ ఈ ప్ర‌పోజ‌ల్ పంపిందెవ‌రో తెలుసా? మెగాస్టార్ చిరంజీవికి చెందిన క్యాంప్ అని సినీ వ‌ర్గాల్లో వినిపిస్తోన్న గుస‌గుస‌లు. ఇంత‌కీ కీర్తి సురేష్ భర్తగా మార‌బోతున్న టాలీవుడ్ యంగ్ హీరో ఎవ‌రంటే.. నాగ శౌర్య. నాగ శౌర్య‌తో కీర్తి సురేష్ పెళ్లి జ‌ర‌గ‌నుందా? అంటే అవునండోయ్ అన‌క త‌ప్పదు మ‌రి. అయితే రియ‌ల్ లైఫ్‌లో కాదులెండి.. రీల్ లైఫ్‌లో. అదే ఇక్క‌డ అస‌లు మెళిక. అస‌లేం జ‌రిగింద‌నే వివ‌రాల్లోకి వెళితే, మెగాస్టార్ నటిస్తోన్న 155వ చిత్రం ‘భోళా శంకర్’. అన్నా చెల్లెల మధ్య అనుబంధం ప్రధానంగా సాగే సినిమా ఇది. ఇందులో చిరంజీవి చెల్లెలుగా ప్రముఖ హీరోయిన్ కీర్తి సురేష్ నటిస్తోన్న సంగతి తెలిసిందే. అలాగే మరో హీరోయిన్ తమన్నా ఇందులో చిరంజీవికి జోడీగా నటించనుంది. ఇందులో కీర్తి సురేష్‌కి పెళ్లి చూపుల స‌న్నివేశం ఉంది. అందులో పెళ్లి కొడుకుగా న‌టించ‌డానికి ఎవ‌రినో పెట్ట‌లేరు. ఎందుకంటే, కీర్తి సురేష్ జోడీగా క‌నిపించాలంటే ఆ మాత్రం ఉండాలి. కాబ‌ట్టి నాగ‌శౌర్య అయితే సూట్ అవుతాడ‌ని మేక‌ర్స్ భావించార‌ట. భోళా శంక‌ర్‌లో ఓ చిన్న అతిథి పాత్ర అయిన కీర్తి సురేష్‌కు కాబోయే భ‌ర్త పాత్ర‌లో క‌నిపించాల‌ని నాగ శౌర్య‌ను అడిగార‌ట. మెగాస్టార్ చిరంజీవితో ఉన్న అనుబంధం కార‌ణంగా .. బోళా శంక‌ర్‌లో న‌టించే అవ‌కాశాలు ఎక్కువ‌గా ఉన్నాయ‌ని సినీ వ‌ర్గాల్లో బ‌లంగా వార్త‌లు వినిపిస్తున్నాయి. మెగాస్టార్ చిరంజీవి టైటిల్ పాత్ర‌లో నటిస్తోన్న ఈ చిత్రానికి మెహ‌ర్ ర‌మేష్ ద‌ర్శ‌కుడు. ఎ.కె.ఎంట‌ర్‌టైన్మెంట్స్ బ్యాన‌ర్‌పై రామ‌బ్ర‌హ్మం సుంక‌ర, అనీల్ సుంక‌ర ఈ చిత్రాన్ని నిర్మిస్తున్నారు. ఇప్ప‌టికే సినిమా చిత్రీక‌ర‌ణ స్టార్ట్ అయ్యింది. కోల్ క‌త్తా బ్యాక్ డ్రాప్‌లో సాగే మూవీ ఇది. త‌మిళంలో అజిత్ హీరోగా న‌టించిన వేదాళం రీమేక్‌. ఇప్ప‌టికే ఆచార్య చిత్రీక‌ర‌ణ‌ను పూర్తి చేసిన చిరంజీవి ఒక వైపు బాబీ డైరెక్ష‌న్‌లో సినిమా చేస్తూనే, భోళా శంకర్ సినిమా షూటింగ్‌ను కూడా పూర్తి చేస్తూ వ‌స్తున్నారు.
By December 27, 2021 at 11:32AM
No comments