Akhandaలో బాల‌కృష్ణ విగ్గు కోసం పెట్టిన ఖర్చెంతంటే?

లేటెస్ట్ సెన్సేష‌న్ అఖండ‌. బోయ‌పాటి ద‌ర్శ‌క‌త్వంలో బాల‌కృష్ణ న‌టించిన మూడో చిత్ర‌మిది. సినిమా అనౌన్స్‌మెంట్ రోజు నుంచే సినిమాపై భారీ అంచ‌నాలు నెల‌కొన్నాయి. ఆ అంచ‌నాల‌కు ధీటుగా సినిమా వ‌సూళ్ల‌ను రాబ‌ట్టుకుంటోంది. సాధార‌ణంగా బాల‌కృష్ణ సినిమాల్లో ఆయ‌న డైలాగ్ డెలివ‌రీ, డాన్స్‌లు, ఫైట్స్, యాక్టింగ్ ఇవ‌న్నీ ఓకే. ఆయ‌న‌కు కొత్తగా చెప్పేదేమీ ఉండ‌వు. అయితే ద‌ర్శ‌కులు ఆయ‌న లుక్‌ను ఆడియెన్స్‌ను మెప్పించేలా ప్రెజంట్ చేశారా? అనేది ప్ర‌ధానం. బాలకృష్ణ త‌న సినిమాల్లో విగ్గులు ఉప‌యోగిస్తుంటారు. ఒక్కొక్క సినిమాకి ఒక్కో విగ్గు ఉంటుంది. కొన్ని సినిమాల్లో చాలా అంద‌మైన త‌ల‌క‌ట్టు ఉన్న విగ్గులుంటే, కొన్నింటిలో ఆయ‌న హెయిర్ స్టైల్‌, లుక్ న‌చ్చ‌క అది సినిమాపై కాస్తో కూస్తో ప్ర‌భావం చూపించి ట్రోలింగ్‌కు గురైన సంద‌ర్భాలున్నాయి. కాబ‌ట్టి అలాంటి త‌ప్పు త‌న సినిమాలో జ‌ర‌గ‌కూడ‌ద‌ని బోయ‌పాటి శ్రీను బాల‌య్య లుక్ విష‌యంలో స్పెష‌ల్ కేర్ తీసుకున్నాడ‌ట‌. అందులో భాగంగా హెయిర్ స్టైల్ మాస్ ఆడియెన్స్‌కు న‌చ్చేలా ఉండాల‌ని డిసైడ్ అయ్యాడు. సినిమాలో బాల‌కృష్ణ ద్విపాత్రాభిన‌యం చేసిన సంగ‌తి తెలిసిందే. అందులో ఒక‌టి అఖండ పాత్ర‌, మ‌రో పాత్ర ముర‌ళీ కృష్ణ రోల్ అఘోరాగా క‌నిపించిన అఖండ పాత్ర‌కు ఎలాంటి హెయిర్ స్టైల్ అవ‌స‌రం లేకుండా పోయింది. బాల‌య్య త‌న నేచుర‌ల్ లుక్‌తోనే న‌టించారు. ఇక రాయ‌ల‌సీమ బ్యాక్‌డ్రాప్‌లో కనిపించే ముర‌ళీ కృష్ణ పాత్ర లుక్ చూడ‌గానే ఆక‌ట్టుకోవాల‌నే ఉద్దేశంతో దాదాపు ప‌ద‌మూడు ల‌క్ష‌ల రూపాయ‌లు ఖ‌ర్చు పెట్టి విగ్గు చేయించాడ‌ట బోయ‌పాటి. సినిమా మొత్తం మీద మూడు విగ్గులు ఉప‌యోగించారు. అంటే విగ్గుల కోసం దాదాపు న‌ల‌బై ల‌క్ష‌ల రూపాయ‌లు ఖ‌ర్చు పెట్టారు. ఇక ఆ విగ్గుల మెయిన్‌టెయినెన్స్ కోసం మ‌రో ప‌ది ల‌క్ష‌లు ఖ‌ర్చు అయ్యాయ‌ట‌. అంటే మొత్తంగా అర‌కోటి బాల‌కృష్ణ విగ్గుల‌కే ఖ‌ర్చు పెట్టార‌ట‌. ఏదైతేనేం.. మొత్తంగా అఖండ సినిమా బ్లాక్ బ‌స్ట‌ర్ హిట్ అయ్యింది. అఖండ సినిమా ఇప్పటి వ‌ర‌కు రూ.50 కోట్ల షేర్‌ను సాధించింది. కోవిడ్ త‌ర్వాత ఈ రేంజ్ బ్లాక్ బ‌స్ట‌ర్ కావ‌డం, సినిమా ప‌రిశ్ర‌మ‌కు ఊపు వ‌చ్చిన‌ట్లు అయ్యింది. దీంతో భారీ చిత్రాల‌ను రూపొందించిన ద‌ర్శ‌క నిర్మాత‌లు చాలా హ్యాపీగా ఉన్నార‌ట‌. మంచి కంటెంట్ ఉన్న సినిమాల‌ను అందిస్తే ప్రేక్ష‌కులు థియేట‌ర్స్‌కు వ‌స్తార‌నే న‌మ్మ‌కం పెరిగింది. అదే ధైర్యంతో ఇత‌ర హీరోల‌కు సంబంధించిన భారీ చిత్రాలు విడుద‌ల‌కు స‌న్న‌ద్ధ‌మ‌వుతున్నాయి. సింహా, లెజెండ్ చిత్రాల త‌ర్వాత బాల‌కృష్ణ‌, బోయ‌పాటి శ్రీను కాంబోలో రూపొందిన మూడో చిత్ర‌మిది.

By December 09, 2021 at 08:32AM

Read More https://telugu.samayam.com/telugu-movies/cinema-news/boyapati-spents-huge-for-bala-krishna-look-in-akhanda/articleshow/88177250.cms