పుష్ప 5 డేస్ కలెక్షన్ రిపోర్ట్.. అదే రేంజ్‌లో అల్లు అర్జున్ వసూళ్ల సునామీ! ఎక్కడా తగ్గేదే లే..

హీరోగా సుకుమార్ దర్శకత్వంలో రూపొందిన 'పుష్ప' మూవీ థియేటర్స్‌లో సత్తా చాటుతోంది. డిసెంబర్ 17న విడుదలైన ఈ సినిమా తొలి రోజు మిశ్రమ స్పందన తెచ్చుకున్నప్పటికీ రాను రాను పుంజుకొని అల్లు అర్జున్ కెరీర్‌లో ది బెస్ట్ మూవీగా నిలిచింది. ఇక కలెక్షన్స్ పరంగా చూస్తే అన్ని ఏరియాల్లోనూ వసూళ్ల ప్రవాహం కనిపిస్తుండటం విశేషం. తొలి నాలుగు రోజులు సక్సెస్‌ఫుల్ జర్నీ కొనసాగించిన పుష్పరాజ్.. ఐదో రోజు కూడా అదే జోష్‌లో దూసుకెళ్తూ 100 కోట్ల మైలురాయిని అధిగమించాడు. రెండు తెలుగు రాష్ట్రాల్లో కలిపి తొలి రోజుకు గాను 24.9 కోట్ల రూపాయలు వసూలు చేసిన పుష్పరాజ్.. రెండు రోజు 13.70 కోట్లు, మూడో రోజు 14.38 కోట్లు, నాలుగో రోజు 6.92 కోట్లు, ఐదో రోజుకు గాను 4 కోట్ల రూపాయల మేర కలెక్షన్స్ వసూలయ్యాయి. దీంతో మొత్తంగా చూస్తే 100 క్లబ్‌లో చేరిపోయారు అల్లు అర్జున్. తెలుగు రాష్ట్రాల్లో 5వ రోజు కలెక్షన్ల వివరాలు చూస్తే.. నైజాం: 3 కోట్లు సీడెడ్: 66 లక్షలు ఉత్తరాంధ్ర: 40 లక్షలు ఈస్ట్ గోదావరి: 25 లక్షలు వెస్ట్ గోదావరి: 20 లక్షలు గుంటూరు: 21 లక్షలు కృష్ణా: 21 లక్షలు నెల్లూరు: 6 లక్షలు AP-TG టోటల్‌గా చూసుకుంటే 3.87 కోట్ల షేర్, 6.50 కోట్ల గ్రాస్ వసూళ్లు రాబట్టింది పుష్ప సినిమా. ప్రపంచవ్యాప్తంగా చూస్తే ఈ అయిదు రోజుల్లో 203 కోట్ల గ్రాస్ వసూలైంది. ఇదే జోష్ కంటిన్యూ అయితే త్వరలోనే బ్రేక్ ఈవెన్ క్రాస్ చేయొచ్చని అంటున్నారు ట్రేడ్ విశ్లేషకులు. మరోవైపు అమెరికాలో కూడా పుష్ప చిత్రం అరుదైన ఫీట్ సాధించింది. భారీ వసూళ్లతో దూసుకుపోతూ 2 మిలియన్ మార్క్‌కి చేరువయ్యాడు పుష్పరాజ్. ప్రీమియర్ల ద్వారా 543,383 డాలర్లు, తొలి రోజు 430,872 డాలర్లు, రెండో రోజు 394,124 డాలర్లు, మూడో రోజు 257,362 డాలర్లు, నాలుగో రోజు 122,601 డాలర్లు, ఐదో రోజు 50,000 మిలియన్ డాలర్లు వసూలయ్యాయి.

By December 22, 2021 at 11:19AM

Read More https://telugu.samayam.com/telugu-movies/cinema-news/allu-arjun-pushpa-5-days-world-wide-collection-report-her/articleshow/88426307.cms