2021 Best Songs: ఈ ఏడాది సంగీత ప్రియులను ఉర్రూతలూగించిన పాటలివే.. రికార్డులు తిరగరాస్తూ!

కరోనా దెబ్బకు కుదేలైన సినీ ఇండస్ట్రీలో 2021లో కొన్ని బెస్ట్ సినిమాలు విడుదలయ్యాయి. కరోనా టెన్షన్ నుంచి పూర్తిగా బయట పడకపోయినా తమ తమ సినిమాలపై ఉన్న కాన్ఫిడెన్స్‌తో కొంతమంది నిర్మాతలు ధైర్యం చేసి పలు సినిమాలను ప్రేక్షకుల ముందుంచారు. అయితే అలా విడుదలైన, షూటింగ్ పూర్తి చేసుకొని విడుదల కాబోతున్న సినిమాల్లో కొన్ని సాంగ్స్ రికార్డులు తిరగరాస్తూ ఆన్‌లైన్ వేదికపై హంగామా చేశాయి. ఈ ఏడాది తెరకెక్కిన సినిమాల్లోని కొన్ని పాటలు యూట్యూబ్‌లో ట్రెండ్ అవుతూ సంగీత ప్రియులను ఉర్రూతలూగించాయి. మరి ఆ సూపర్ హిట్ పాటలేవో ఓ సారి చూసేద్దమా.. తొలిసారి అలా కనిపించి ఇండస్ట్రీని షేక్ చేసిన సమంత స్టార్ హీరోయిన్ సమంత తొలిసారి స్పెషల్ సాంగ్ చేసి ఇండస్ట్రీతో పాటు యూట్యూబ్‌ని షేక్ చేసింది. అల్లు అర్జున్ హీరోగా రూపొందిన 'పుష్ప' సినిమాలో ఐటెం సాంగ్ చేసింది సామ్. ఉ అంటావా మావ.. ఉఊ అంటావా మావ అంటూ మాస్ బీట్‌తో సాగిపోయిన ఈ పాట ఆన్ లైన్ మాద్యమాలపై గత రికార్డులు తిరగరాసింది. విడుదలైన 24 గంటల్లోనే 12.39 మిలియన్ వ్యూస్ రాబట్టి సరికొత్త ఫీట్ అందుకుంది. హుషారెత్తించిన భీమ్లా నాయక్.. టైటిల్ సాంగ్ పవర్ స్టార్ పవన్ కళ్యాణ్ రీ ఎంట్రీ తర్వాత మరోసారి పోలీస్ గెటప్‌లో కనిపించబోతున్నారు. దగ్గుబాటి రానాతో కలిసి సాగర్ కే చంద్ర దర్శకత్వంలో 'భీమ్లా నాయక్' మూవీ చేస్తున్నారు. తమన్ కంపోజ్ చేసిన ఈ సినిమా టైటిల్ సాంగ్‌ లిరికల్ వీడియోకు సోషల్ మీడియాలో భారీ స్పందన దక్కింది. విడుదలైన 24 గంటల్లోనే 10.20 మిలియన్ వ్యూస్ రాబట్టి ఈ ఏడాది యూట్యూబ్‌లో అత్యధిక వ్యూస్ రాబట్టిన పాటల జాబితాలో చేరింది. సత్తా చాటిన దేవీ శ్రీ ప్రసాద్.. అల్లు అర్జున్ హవా ఇకపోతే అల్లు అర్జున్ - సుకుమార్ కాంబినేషన్‌లో వచ్చిన 'పుష్ప' మూవీలోని పాటలు 2021 బెస్ట్ హిట్స్‌లో కీలక భూమిక పోషిచాయి. దేవీ శ్రీ ప్రసాద్ స్వరపరిచిన ఈ మూవీ సాంగ్స్ ఓ రేంజ్ రెస్పాన్స్ తెచ్చుకున్నాయి. ఈ చిత్రంలోని 'సామీ సామీ' పాట విడుదలైన 24 గంటల్లోనే 9.06 మిలియన్ వ్యూస్‌ రాబట్టగా.. 'దాక్కోదాక్కో మేక' సాంగ్ విడుదలైన 24 గంటల్లో 8.32 మిలియన్ వ్యూస్‌ రాబట్టింది. RRR బీట్ ఇండియాస్ మోస్ట్ అవైటెడ్ మూవీ RRR నుంచి విడుదలైన ‘నాటు నాటు' పాటకు సంగీత ప్రియులు మంత్రముగ్దులయ్యారు. కీరవాణి కంపోజ్ చేసిన ఈ పాటలోని మాస్ బీట్ ప్రేక్షకుల నీరాజనాలందుకుంది. ఈ సాంగ్ విడుదలైన 24 గంటల్లో 7.36 మిలియన్ దక్కించుకొని ఈ ఏడాది అత్యధిక వ్యూస్ అందుకున్న జాబితాలో ఒకటిగా నిలిచింది. ఇదే RRR మూవీలోని జనని అనే సాంగ్‌కు విడుదలైన 24 గంటల్లో 6.58 మిలియన్ వ్యూస్ వచ్చాయి. డార్లింగ్ ప్రభాస్ ఈ రాతలే.. ఇకపోతే ప్రభాస్ అభిమానులు ఎంతగానో ఎదురుచూస్తున్న రాధే శ్యామ్ సాంగ్స్ కూడా యూట్యూబ్‌లో భారీ రెస్పాన్స్ తెచ్చుకున్నాయి. సాంగ్ విడుదలైన 24 గంటల్లో 6.31 మిలియన్ వ్యూస్‌ తెచ్చుకుంది.

By December 27, 2021 at 12:16PM

Read More https://telugu.samayam.com/telugu-movies/cinema-news/year-ender-2021-tollywood-best-songs-and-records-created-songs-list/articleshow/88518375.cms