Rekha Boj: 'సామీ సామీ' పాట కోసం రెండు గాజులు అమ్ముకున్న హీరోయిన్.. తగ్గేదే లే!! వీడియో వైరల్
సినిమా అనేది ఓ పాషన్.. కెమెరాలో తమ టాలెంట్ బంధించడం కొందరికి సరదా అయితే మరికొందరికి అదే టార్గెట్. టాలెంట్ ఉండి అవకాశాలు లేక వెనుకబడినవారు కొందరైతే ఎలాగైనా తమ మార్క్ చూపించాలని పరితపించే వారు ఇంకొందరు. అయితే ఎన్ని కష్టాలు ఎదురైనా, ఎంత సొమ్ము ఖర్చయినా సాధించి తీరుతా, టాలెంట్ చూపిస్తా అనే కసితో పనిచేసే వారు తప్పకుండా విజయ తీరాలకు చేరుతారనేది పెద్దల మాట. అలాంటి కేటగిరీలో ఉన్న ఓ హీరోయిన్ . అందం, అభినయం, ఆరబోతలో తగ్గేదే అంటూ దూసుకుపోతున్న ఈ విశాఖ బ్యూటీ.. అవకాశాలు లేకపోయినా, వేషాలు రాకపోయినా ఆత్మస్థైర్యంతో ముందుకెళ్తోంది. సోషల్ మీడియాలో యమ యాక్టివ్‌గా ఉంటూ స్వతాహాగా టాలెంట్ ప్రూవ్ చేసుకుంటోంది. వైజాగ్‌లో ఓ స్టుడియో స్టార్ట్ చేసిన రేఖా భోజ్.. పలు హాట్ వీడియోలు చేస్తూ ఆకర్షిస్తోంది. ఈ క్రమంలోనే 'పుష్ప' సినిమాలోని పాట కవర్ సాంగ్ చేసింది ఈ వైజాగ్ చిన్నది. 'పుష్ప' సినిమా నుంచి రీసెంట్‌గా విడుదలైన సామీ సామీ పాటకు భారీ స్పందన వస్తున్న సంగతి తెలిసిందే. దీంతో పలువురు వ్యక్తులు ఈ పాటకు కవర్ సాంగ్ చేస్తూ ఎంజాయ్ చేస్తున్నారు. కానీ హీరోయిన్ రేఖా భోజ్ దాన్ని ఛాలెంజింగ్‌గా తీసుకుంది. ఈ సాంగ్ రిచ్‌గా ఉండాలని, ఒరిజినల్ సాంగ్‌ని తలదన్నేలా ఉండాలని ఎంతో కష్టపడింది. ఏకంగా ఈ సాంగ్ ఆమె రెండు బంగారు గాజులు అమ్ముకుందంటే ఆ డెడికేషన్ అర్థం చేసుకోవచ్చు. ఇక ఈ సాంగ్ చూస్తుంటే అచ్చం రష్మికను దించేసినట్టు అనిపిస్తోంది. రారా సామీ.. నా సామీ అంటూ రేఖా భోజ్ కట్టు బొట్టు, ఆ లొకేషన్స్ అన్నీ కూడా అదిరిపోయాయి. సాంగ్ షూట్ చేస్తున్నపుడు వర్షం పడినా కూడా లెక్క చేయకుండా చేశారట. అందుకే ఆ కష్టానికి ప్రతిఫలం కోరుకుంటూ సపోర్ట్ చేయండని సోషల్ మీడియా వేదికగా వేడుకుంది రేఖా భోజ్. ''చాలా కష్టపడి చేశాను.. రెండు గాజులు అమ్ముకున్నా.. మీకు నచ్చితే మీ మీ సోషల్ మీడియాలో ఒక్క షేర్ చేసి సపోర్ట్ అందించండి'' అని ఆమె పోస్ట్ పెట్టింది. ప్రస్తుతం వైరల్ అవుతున్న ఈ వీడియోపై నెటిజన్స్ భారీ రెస్పాన్స్ ఇస్తున్నారు. హీరోయిన్‌గా పెద్ద పేరు సంపాదించలేకపోయిన రేఖా భోజ్.. దామిని విల్లా, రంగేలా, కళ్యాణ తస్మై నమహ: వంటి చిత్రాల్లో నటించింది. కాకపోతే సోషల్ మీడియాను మాత్రం ఫుల్లుగా వాడేస్తూ తన టాలెంట్ ప్రూవ్ చేసుకుంటోంది.
By November 19, 2021 at 11:41AM
No comments