Ravi Teja : ‘ఖిలాడి’ రిలీజ్ డేట్‌.. ర‌వితేజ అభిమానుల‌కు పండ‌గే!

మాస్ మహరాజా హీరోగా నటించిన చిత్రం ‘ఖిలాడి’. ఈ యాక్ష‌న్ ఎంట‌ర్‌టైన‌ర్‌లో ర‌వితేజ డ్యూయెల్ రోల్ చేయ‌గా.. మీనాక్షి చౌద‌రి, డింపుల్ హ‌యాతి హీరోయిన్స్‌గా న‌టించారు. దేవిశ్రీప్ర‌సాద్ సోద‌రుడు సాగ‌ర్ ఈ చిత్రానికి మాట‌ల‌ను అందించారు. హ‌వీష్ ప్రొడ‌క్ష‌న్స్ బ్యాన‌ర్‌పై స‌త్య‌నారాయ‌ణ కోనేరు ఈ చిత్రాన్ని నిర్మిస్తున్నారు. రాక్ష‌సుడు సినిమాను ర‌మేశ్ వ‌ర్మ‌తో నిర్మించిన ఈ నిర్మాత, ర‌వితేజ‌తో భారీ సినిమానే తెర‌కెక్కిస్తున్నారు. కోవిడ్ కార‌ణంగా వేస‌విలో విడుద‌ల కావాల్సిన ఈ సినిమా వాయిదా ప‌డింది. దీంతో విడుద‌ల ఎప్పుడుంటుందా? అని ఆస‌క్తిగా ఎదురుచూస్తున్న ర‌వితేజ అభిమానుల‌కు మేక‌ర్స్ స్వీట్ న్యూస్ చెప్పేశారు. వ‌చ్చ ఏడాది ఫిబ్ర‌వ‌రి 11న ‘ఖిలాడి’ సినిమా విడుద‌ల‌వుతుంది. మెగాస్టార్ చిరంజీవి ఆచార్య సినిమా ఫిబ్రవరి 4న విడుదలవుతుంది. అది విడుదలైన వారం రోజులకు రవితేజ ఖిలాడి థియేటర్స్ లో సందడి చేయడానికి రెడీ అవుతుందన్నమాట. ర‌వితేజ‌కు కెరీర్ డౌన్ ఫాల్ అని అంద‌రూ అనుకుంటున్న స‌మ‌యంలో ఈ ఏడాది విడుద‌లైన క్రాక్‌తో బ్లాక్‌బ‌స్ట‌ర్ హిట్ కొట్టాడు ర‌వితేజ. ఆ త‌ర్వాత ఏక‌ధాటిగా సినిమాల‌ను ఒక వైపు పూర్తి చేసుకుంటూ మ‌రో వైపు కొత్త సినిమాలు అనౌన్స్ చేస్తూ దూసుకెళ్లిపోతున్నాడు. ఈ ఏడాది కోవిడ్ ఫ‌స్ట్ వేవ్ త‌ర్వాత జ‌న‌వ‌రికి విడుద‌లైన చిత్రాల్లో ర‌వితేజ హీరోగా చేసిన‌ క్రాక్ సెన్సేష‌న‌ల్ హిట్‌గా నిలిచింది. దీంతో ఖిలాడి సినిమాపై మంచి అంచ‌నాలు ఏర్ప‌డ్డాయి. వీర వంటి డిజాస్ట‌ర్ త‌ర్వాత ర‌మేశ్ వ‌ర్మ‌పై న‌మ్మ‌కంతో ర‌వితేజ.. ఖిలాడి రూపంలో మ‌రో అవ‌కాశం ఇచ్చాడు. సినిమాలో యాక్షన్ పార్ట్ ఎక్కువగా ఉంటుంది. రమేశ్ వర్మ ఖర్చుకు వెనకాడకుండా సినిమాను స్టైలిష్ గా తెరకెక్కించాడు. మ‌రి ఈ సినిమా ఎలాంటి విజ‌యాన్ని సాధిస్తుందో చూడాలి. మ‌రో వైపు ర‌వితేజ డెబ్యూ డైరెక్ట‌ర్ శ‌ర‌త్ మండ‌వ ద‌ర్శ‌క‌త్వంలో రామారావు ఆన్ డ్యూటీ సినిమాను పూర్తి చేస్తూనే, త్రినాథ‌రావు న‌క్కిన ద‌ర్శ‌క‌త్వంలో క‌మ‌ర్షియ‌ల్ మూవీ షూటింగ్‌ను పూర్తి కానిచ్చేస్తున్నాడు. అలాగే 70వ సినిమాగా సుధీర్ వ‌ర్మ ద‌ర్శ‌క‌త్వంలో రావ‌ణాసురను అనౌన్స్ చేశాడు. అలాగే 71వ సినిమాగా వంశీ కృష్ణ ద‌ర్శ‌క‌త్వంలో టైగ‌ర్ నాగేశ్వ‌ర్ రావు సినిమాను అనౌన్స్ చేశాడు. రావ‌ణాసుర‌, టైగ‌ర్ నాగేశ్వ‌ర‌రావు సినిమాలు.. వ‌చ్చే ఏడాదినే సెట్స్ పైకి వెళ్ల‌నున్నాయి.

By November 11, 2021 at 10:55AM

Read More https://telugu.samayam.com/telugu-movies/cinema-news/ravi-teja-khiladi-release-date/articleshow/87640721.cms