చైనా పాలకుల నియంత వైఖరి సమాజానికి హానికరం.. దలైలామా సంచలన వ్యాఖ్యలు
చైనా నాయకత్వంపై బౌద్ధుల ఆధ్యాత్మిక గురువు మరోసారి విమర్శలు గుప్పించారు. భిన్న సంస్కృతులను అవగాహన చేసుకోలేరని వ్యాఖ్యానించారు. అంతేకాదు, పాలక కమ్యూనిస్ట్ పార్టీ కఠినమైన నియంత్రణ ప్రవృత్తి సమాజానికి హానికరమని దలైలామా ఘాటు వ్యాఖ్యలు చేశారు. జపాన్ రాజధాని టోక్యో విదేశాంగ ప్రతినిధుల క్లబ్ బుధవారం ఏర్పాటుచేసిన కార్యక్రమంలో విర్చువల్‌గా పాల్గొని ప్రసంగించారు. ఈ సందర్భంగా చైనా అధ్యక్షుడు జీ జిన్‌పింగ్‌‌ను కలవడానికి తనకు ఎటువంటి ప్రణాళికలు లేవన్నారు. మూడోసారి జిన్‌పింగ్ పదవీకాలాన్ని పొడిగింపు ప్రణాళికలపై వ్యాఖ్యానించడానికి ఆయన నిరాకరించారు. అంతేకాదు, తన శేషజీవితం భారత్‌లోనే గడుపుతానని దలైలామా ఉద్ఘాటించారు. టిబెట్‌లో చైనా పెత్తనాన్ని వ్యతిరేకంగా చేసిన తిరుగుబాటు విఫలం కావడంతో దలైలామా 1959 నుంచి భారత్‌లోనే ఆశ్రయం పొందుతున్న విషయం తెలిసిందే. భారత్‌లో మతసామరస్యం వెల్లువిరుస్తోందని, అన్ని మతాలు సమానంగా ఇటీవల కాలంలో టిబెటన్లు, టర్కిక్ ముస్లిం ఉఘ్గర్లు, ఇతర మైనారిటీ సమూహాలను లక్ష్యంగా చేసుకుని సాంస్కృతిక సమీకరణ పేరుతో చైనా కమ్యూనిస్ట్ ప్రభుత్వం కఠిన ఆంక్షలు విధిస్తోంది. దీనిపై దలైలామా మాట్లాడుతూ.. స్థానిక, రాజకీయ ఇబ్బందులలో పాలుపంచుకోవడం తనకు ఇష్టం లేదనన్నారు. తైవాన్, చైనాలోని సోదర సోదరీమణులకు సహకారం అందించడానికి అంకితభావంతో ఉన్నాను.. కానీ, ఈ పరిస్థితి చాలా క్లిష్టమైందని ఆయన వివరించారు. కొన్నిసార్లు ఈ సాధారణ బౌద్ధ సన్యాసి సంక్లిష్టమైన రాజకీయాల్లో పాల్గొనేందుకు ఇష్టపడటం లేదని నేను నిజంగా భావిస్తున్నాను’ అని అతను నవ్వుతూ చెప్పాడు. ‘నాకు మావో జెడాంగ్ నుంచి కమ్యూనిస్ట్ పార్టీ నాయకులు తెలుసు.. వారి ఆలోచనలు మంచివి.. కానీ కొన్నిసార్లు వారు చాలా తీవ్రమైన, కఠినమైన నియంత్రణ కలిగి ఉంటారు.. కొత్త తరం నాయకుల వల్ల చైనాలో పరిస్థితులు మారుతాయని నేను ఆశిస్తున్నాను.. టిబెట్, జిన్‌జియాంగ్‌కు సంబంధించి మనకు మన స్వంత ప్రత్యేక సంస్కృతి ఉంది.. కాబట్టి మరింత సంకుచితమైన చైనీస్ కమ్యూనిస్ట్ నాయకులు, వారు విభిన్న సంస్కృతుల వైవిధ్యాన్ని అర్థం చేసుకోలేరు’ అన్నారు. ఒకప్పుడు తాను కమ్యూనిజం, మార్క్సిజం ఆలోచనలకు విస్తృతంగా మద్దతునిచ్చానని, ఒకానొక సందర్భంలో కమ్యూనిస్ట్ పార్టీలో చేరాలని కూడా భావించానని తెలిపారు. తైవాన్ గురించి అడిగినప్పుడు.. పురాతన చైనా సంస్కృతి, సంప్రదాయాలకు నిజమైన ప్రతీకగా తాను భావిస్తున్నానని చెప్పారు.
By November 11, 2021 at 11:08AM
No comments