Pawan Kalyan : పవన్ కళ్యాణ్ ఫ్యాన్స్‌కు షాక్‌..! ప‌వ‌ర్‌స్టార్‌ను ఢీ కొట్ట‌నున్న నితిన్
టాలీవుడ్ అగ్ర క‌థానాయ‌కుడు, పొలిటీషియ‌న్ అయిన ప‌వ‌ర్‌స్టార్ పవన్ కళ్యాణ్.. పాలిటిక్స్ లో దొరికిన గ్యాప్‌ను సినిమాలు చేయ‌డానికి ఉప‌యోగించుకుంటున్నారు. అస‌లే త‌మ అభిమాన క‌థానాయ‌కుడిని వెండితెర‌పై చూడాల‌నుకునే పవన్ కళ్యాణ్ ఫ్యాన్స్‌కు వ‌చ్చే ఏడాది మాత్రం పెద్ద పండ‌గేన‌ని చెప్పాలి. ఎందుకంటే వ‌చ్చే ఏడాది ప్ర‌థమార్థంలో పవన్ రెండు సినిమాల‌తో సంద‌డి చేయ‌డానికి రెడీ అయ్యారు. అందులో ఒక‌టి భీమ్లా నాయ‌క్‌. ఇది జ‌న‌వ‌రి 26న విడుద‌ల‌వుతుంది. అలాగే పవన్ కళ్యాణ్ షూటింగ్ చేస్తున్న మ‌రో సినిమా హ‌రిహ‌ర వీర‌మ‌ల్లు. ఈ మూవీ ఏప్రిల్ 29న విడుద‌ల‌వుతుందని వార్త‌లు వినిపిస్తున్నాయి. అయితే అస‌లు చిక్కు ఇక్క‌డే ప‌డింది. ఎందుకంటే అదే రోజున పవన్ కళ్యాణ్ వీరాభిమాని, హీరో త‌న సినిమా మాచ‌ర్ల నియోజకవర్గం సినిమాతో థియేట‌ర్స్‌లో సంద‌డి చేయ‌డానికి నిర్ణ‌యించుకున్నాడు. అంటే ఈ లెక్క‌న హ‌రి హ‌ర వీర‌మ‌ల్లు, మాచ‌ర్ల నియోజ‌క వ‌ర్గం చిత్రాలు ఒకేరోజున బాక్సాఫీస్ వ‌ద్ద పోటీ ప‌డ‌తాయా? అనే బాక్సాఫీస్‌లో వినిపిస్తోన్న గుస‌గుస‌లు. అయితే హ‌రి హ‌ర వీర‌మ‌ల్లు రిలీజ్ విష‌యంలో వినిపిస్తున్న‌వి ఊహ‌గానాలు మాత్ర‌మే. ఇంకా అధికారిక ప్ర‌క‌ట‌న రాలేదు. కానీ నితిన్ ఫిక్స్ అయిపోయాడు. త‌న‌ను ఎంతో అభిమానించే నితిన్‌పై పవన్ పోటీకి రాడ‌నేది ఇండ‌స్ట్రీ వ‌ర్గాల స‌మాచారం. మ‌రి నెట్టింట వైర‌ల్ అవుతున్న ఈ వార్త‌ల‌పై మేక‌ర్స్ ఏమైనా ప్ర‌క‌ట‌న చేస్తారేమో చూడాలి. పండ‌గ సాయ‌న్న అనే బందిపోటు క‌థాంశంతో క్రిష్ ద‌ర్శ‌క‌త్వంలో పవన్ కళ్యాణ్ చేస్తోన్న సినిమా హ‌రిహ‌ర వీర‌మ‌ల్లు. మొఘ‌ల్ బ్యాక్‌డ్రాప్‌లో రూపొందుతోన్న ఈ చిత్రంలో అర్జున్ రాంపాల్ మొఘ‌ల్ చ‌క్ర‌వ‌ర్తిగా క‌నిపించ‌నున్నారు. నిధి అగ‌ర్వాల్‌, జాక్వలైన్ ఫెర్నాండెజ్ హీరోయిన్స్‌. ఇప్ప‌టికే అర‌వై శాతం చిత్రీక‌ర‌ణ పూర్త‌య్యింది. మ‌రో వైపు నితిన్ హీరోగా రాజ‌శేఖ‌ర్ ద‌ర్శ‌క‌త్వంలో తెర‌కెక్కుతోన్న చిత్రం ‘మాచ‌ర్ల నియోజకవర్గం’. దీన్ని నితిన్ సొంత నిర్మాణ సంస్థ శ్రేష్ఠ్ మూవీస్‌లోనే నిర్మిస్తున్నారు. ఇందులో నితిన్ క‌లెక్ట‌ర్‌గా క‌నిపించ‌బోతున్నారు. స‌ముద్ర‌ఖ‌ని విల‌న్‌గా చేస్తున్నారు. ప్ర‌స్తుతం వైజాగ్‌లో చిత్రీక‌ర‌ణ జ‌రుగుతోంది. ఇందులో కృతి శెట్టి హీరోయిన్‌గా న‌టిస్తోంది.
By November 13, 2021 at 11:06AM
No comments