Naga Chaitanya : జీవితాన్ని పంచుకున్నందుకు థాంక్యూ... విడిపోయిన తర్వాత నాగ చైతన్య తొలి పోస్ట్

నాలుగేళ్ల వివాహ బంధానికి ఇటీవ‌ల నాగ‌చైత‌న్య‌, స‌మంత ముగింపు ప‌లికిన సంగ‌తి తెలిసిందే. ఈ విష‌యం త‌ర్వాత స‌మంత సోష‌ల్ మీడియాలో వివిధ సంద‌ర్భాల్లో త‌న ఎమోష‌న్స్‌ను తెలియ‌జేసింది. కానీ.. నాగ‌చైత‌న్య షూటింగ్స్‌కు సంబంధించిన అప్‌డేట్స్‌లో త‌ప్ప‌, ఎక్క‌డా క‌నిపించ‌లేదు. తొలిసారి ఆయ‌న సోష‌ల్ మీడియాలో ఓ పోస్ట్ చేశాడు. అది కూడా 45 రోజుల విరామం త‌ర్వాత‌. సాధార‌ణంగా వ్య‌క్తిగ‌త జీవితానికి సంబంధించిన విష‌యాల‌ను సోష‌ల్ మీడియా ద్వారా చెప్ప‌డానికి నాగ చైత‌న్య పెద్ద‌గా ఆస‌క్తి చూప‌డు. 45 రోజుల త‌ర్వాత త‌న ఇన్‌స్టాగ్రామ్‌లో తొలి పోస్ట్ చేశాడు. అది ఓ పుస్త‌కం చ‌దివిన త‌ర్వాత‌, ఇంత‌కీ అది ఏ పుస్త‌క‌మో తెలుసా!.. హాలీవుడ్ న‌టుడు మాథ్యూ మాక నౌగే రాసిన గ్రీన్‌లైట్స్ అనే పుస్త‌కం. ఇది ఆయ‌న ఆటో బ‌యోగ్ర‌ఫీ. దీన్ని చ‌దివిన చైత‌న్య జీవితానికి ప్రేమ‌లేఖ‌.. గ్రీన్ లైట్స్ అని కామెంట్స్ పెడుతూ ఆ పుస్త‌క ముఖ చిత్రాన్ని కూడా పోస్ట్ చేయ‌డం విశేషం. ‘‘మీ ఆత్మ‌క‌థ‌ను మాతో పంచుకున్నందుకు ధ‌న్య‌వాదాలు. జీవితంలో ముందుకు వెళ్ల‌డానికి ఈ పుస్త‌కం ఎంత‌గానో ఉప‌యోగప‌డింది’’ అని కూడా తన పోస్టులో తెలియజేశారు. నాగచైతన్య, విడిపోయిన తర్వాత ఫ్రొఫెషనల్‌గా ఎవ‌రి ప‌నుల్లో వారు బిజీగా ఉన్నారు. చైత‌న్య విష‌యానికి వ‌స్తే థాంక్యూ, లాల్ సింగ్ చ‌ద్దా చిత్రాల‌ను పూర్తి చేసిన ఆయ‌న ఇప్పుడు తండ్రితో క‌లిసి బంగార్రాజు చిత్రీక‌ర‌ణ‌లో పాల్గొంటున్నాడు. ఇది పూర్తి కాగానే విక్ర‌మ్ కుమార్ ద‌ర్శ‌క‌త్వంలో ఓ వెబ్ సిరీస్ చేయ‌డానికి రెడీ అవుతున్నారు. క‌రోనా సెకండ్ వేవ్ త‌ర్వాత శేఖ‌ర్ క‌మ్ముల ద‌ర్శ‌క‌త్వంలో చైత‌న్య హీరోగా, సాయిప‌ల్ల‌వి హీరోయిన్‌గా చేసిన ల‌వ్‌స్టోరి చాలా పెద్ద బ్లాక్‌బ‌స్ట‌ర్ అయ్యింది. చైత‌న్య కెరీర్‌లోనే అది అతి పెద్ద విజయాన్ని సాధించిన చిత్రంగా నిలిచింది. స‌మంత విష‌యానికి వ‌స్తే.. చైత‌న్య‌తో వివాహం త‌ర్వాత ప‌రిమితంగా సినిమాలు చేస్తూ వ‌స్తున్న ఆమె విడిపోయిన త‌ర్వాత వ‌రుస సినిమాలు చేయ‌డానికి గ్రీన్ సిగ్న‌ల్ ఇస్తుంది. రెండు ద్విభాషా చిత్రాలకు ఒకే చెప్పింది. అందులో ఓ చిత్రాన్ని డ్రీమ్ వారియ‌ర్ పిక్చ‌ర్స్‌, మ‌రో చిత్రాన్ని శ్రీదేవి మూవీస్ సంస్థ‌ల్లో డెబ్యూ డైరెక్ట‌ర్స్‌తో క‌లిసి చేస్తోంది. అలాగే అల్లు అర్జున్, సుకుమార్ కాంబినేష‌న‌ల్ పాన్ ఇండియా మూవీ ‘పుష్ప ది రైజ్’ సినిమాలో ఐటెమ్ సాంగ్ చేస్తుంది. ఫిట్‌నెస్ విష‌యంలో మ‌రింత కేర్ తీసుకుంటుంది. స్నేహితులతో క‌లిసి ఆధ్యాత్మిక ప్ర‌దేశాల‌కు టూర్‌కి వెళుతుంది.

By November 21, 2021 at 07:00AM

Read More https://telugu.samayam.com/telugu-movies/cinema-news/naga-chaitanya-first-post-after-split-with-samantha/articleshow/87825876.cms