Rakul Preet Singh : ర‌కుల్ ప్రీత్ సింగ్ ఇంట్లో అగ్ని ప్ర‌మాదం
హీరోయిన్ ర‌కుల్ ప్రీత్ సింగ్ ఇంట్లో అగ్ని ప్ర‌మాదం జ‌రిగింది. అయితే అది హైద‌రాబాద్‌లో కాదు, ముంబైలో. ప్ర‌మాదం జ‌రిగిన వెంట‌నే అగ్నిమాప‌క సిబ్బంది వెంట‌నే అక్క‌డికి చేరుకుని ప‌రిస్థితిని కంట్రోల్ చేసింది. ప్ర‌మాదంలో ఎవ‌రికీ ఏమీ కాక‌పోవ‌డంతో అంద‌రూ ఊపిరి పీల్చుకున్నారు. ప్ర‌మాదం స‌మ‌యంలో ఇంట్లో ఎవ‌రూ లేక‌పోవ‌డంతో ఎవ‌రికీ ఏమీ కాలేదు. కేసు న‌మోదు చేసిన పోలీసులు ద‌ర్యాప్తు ప్రారంభించారు. మ‌రి ఈ ప్ర‌మాదంపై ర‌కుల్ ఏమైనా స్పందిస్తుందేమో చూడాలి. ప్ర‌స్తుతం ర‌కుల్ ప్రీత్ సింగ్ హిందీ, తమిళ చిత్రాల్లో న‌టిస్తున్నారు. తెలుగులో రీసెంట్‌గా ఆమె న‌టించిన కొంపొలం మాత్ర‌మే విడుద‌లైంది. రీసెంట్‌గా ర‌కుల్ ప్రీత్ సింగ్, బాలీవుడ్ న‌టుడు, నిర్మాత అయిన జాకీ భ‌గ్నానీని పెళ్లి చేసుకుంటున్న‌ట్లు సోష‌ల్ మీడియా ద్వారా తెలియ‌జేసింది. ఈ ఏడాదిలోనే వీరిద్దరూ ఓ ఇంటివార‌వుతార‌ని స‌న్నిహిత వ‌ర్గాల స‌మాచారం. పుష్క‌ర కాలంగా హీరోయిన్‌గా తెలుగు, తమిళ ప్రేక్ష‌కుల‌ను ఆక‌ట్టుకుంటున్న ర‌కుల్ ప్రీత్ సింగ్ టాలీవుడ్‌లో మ‌హేశ్‌, ఎన్టీఆర్‌, రామ్‌చ‌ర‌ణ్ వంటి అగ్ర హీరోలంద‌రితో దాదాపు న‌టించారు. అలాగే ఆమె ఓవైపు సినిమాలు, మ‌రో వైపు ఫిట్‌నెస్ రంగంలో రాణిస్తూ బిజీగా కూడా ఉంది. ఎఫ్ 45 అనే జిమ్ సెంట‌ర్‌ను కూడా ర‌కుల్ నిర్వ‌హిస్తోంది. అలాగే వీలునప్పుడల్లా సోష‌ల్ మీడియాలోనూ త‌న ఫిట్‌నెస్ ర‌హ‌స్యాలు, యోగ గురించి చెబుతూ యాక్టివ్‌గా ఉంటుంది. రీసెంట్‌గా ఆమె వైష్ణ‌వ్ తేజ్‌తో న‌టించిన కొండ‌పొలం చిత్రం బాక్సాఫీస్ వ‌ద్ద డిజాస్ట‌ర్‌గా నిలిచింది. మ‌రో వైపు ర‌కుల్ ప్రీత్, జాకీ భ‌గ్నానీ పెళ్లిపై జ్యోతిష్కుడు వేణుస్వామి పెద‌వి విరిచాడు. జాకీ భ‌గ్నానీది మ‌క‌ర‌రాశి. ఆ రాశిలో శ‌ని దృష్టి చంద్రుడు, శుక్రుడుపై ఉండ‌టంతో పెళ్లి జీవితంలో స‌మ‌స్య‌లు ఉంటాయ‌ని తెలిపాడు. ఇక ర‌కుల్ ప్రీత్ సింగ్‌ది మిథున‌రాశి అని, గురువు, కేతువు క‌లిసి ఉండ‌టం వ‌ల్ల కుటుంబ సౌఖ్యం ఉండ‌ద‌ని చెప్పేశాడు. వీరిద్దరూ పెళ్లి వ‌ర‌కు వెళ్ల‌ర‌ని, వెళ్లినా విడిపోతారు. ఓ కేసు విష‌యంలో ర‌కుల్ జైలుకు వెళ్లే అవ‌కాశాలున్నాయ‌ని వేణుస్వామి తెలిపారు.
By November 21, 2021 at 07:46AM
No comments