Bangarraju : నాగార్జునకి నేనెంతో స్పెషల్ అంటున్న ‘జాతి రత్నాలు’ బ్యూటీ..ఇద్దరి మధ్య అస‌లు సీక్రెట్ అదే..కెరీర్ మొద‌ట్లోనే స్టార్ట్ చేసేసిందిగా !
నిన్న మొన్న సినీ ఇండ‌స్ట్రీలోకి ఎంట్రీ ఇచ్చింది.. అయితేనేం టాలీవుడ్ సీనియ‌ర్ స్టార్ హీరో, కింగ్ నాగార్జునకి నేనెంతో స్పెషల్ అని అంటోంది ఓ పొగుడు కాళ్ల సుంద‌రి. నాగార్జున‌తో ఆమెకు అంత చ‌నువు ఎప్పుడు ఏర్ప‌డింది. ఆమె ఎందుక‌లా అంటోంది..ఇంత‌కీ ఎవ‌రామె? అనేగా మీ సందేహం. నేనే నాగార్జునకి స్పెషల్ భామ అంటున్న‌దెవ‌రో కాదు.. ఫ‌రియా అబ్దుల్లా. జాతి రత్నాలు చిత్రంతో హీరోయిన్‌గా ఎంట్రీ ఇవ్వ‌డ‌మే కాకుండా.. ఆ సినిమా సాధించిన స‌క్సెస్‌తో బ్లాక్‌బ‌స్ట‌ర్ హీరోయిన్ అనే క్రేజ్‌నైతే సంపాదించుకుంది. ఇప్పుడు విష్ణు మంచు సరసన ఢీ అంటే ఢీ చిత్రంలో హీరోయిన్‌గా న‌టించ‌నుంది. ఇది కాకుండా ఇప్పుడు మరో క్రేజీ ఆఫర్‌ను సొంతం చేసుకుంది. అది కూడా కింగ్ నాగార్జున చిత్రంలో. నిజ‌మే! జాతిర‌త్నాలు ఫేమ్ ఫ‌రియా అబ్దుల్లా ఇప్పుడు నాగార్జున అక్కినేని హీరోగా రూపొందుతోన్న చిత్రంలో ఓ స్పెషల్ సాంగ్‌లో, ఆయ‌నతో క‌లిసి డాన్స్ చేయ‌నుందని విశ్వ‌స‌నీయ వ‌ర్గాల స‌మాచారం. కళ్యాణ్ కృష్ణ దర్శకత్వంలో రూపొందుతోన్న బంగార్రాజు మూవీ ఇప్పుడు షూటింగ్ ద‌శ‌లో ఉంది. వ‌చ్చే ఏడాది సంక్రాంతి సంద‌ర్భంగా సినిమాను విడుదల చేయ‌డానికి మేక‌ర్స్ ప్లాన్ చేస్తున్నారు. సోగ్గాడే చిన్ని నాయ‌నాకు సీక్వెల్‌గా వ‌స్తున్న మూవీ ఇది. ఇందులో నాగాచైత‌న్య చైత‌న్య మ‌న‌వ‌డిగా న‌టిస్తుంటే, ఆయ‌న‌కు జోడీగా ఉప్పెన ఫేమ్ కృతిశెట్టి క‌నిపించ‌నుంది. రీసెంట్‌గా నాగ‌ల‌క్ష్మి అనే పాత్ర‌ను చేస్తున్న కృతి శెట్టి లుక్‌ను చిత్ర యూనిట్ విడుదల చేసిన సంగతి తెలిసిందే. నాగార్జున ఈ సినిమా వీలైనంత క‌ల‌రింగ్‌గా ఉండేలా ప్లాన్ చేసుకుంటున్నారు. ల‌డ్డుండా అనే లిరిక‌ల్ సాంగ్ రీసెంట్‌గా విడుద‌లైన సంగతి తెలిసిందే. మ‌రి ఈ పాట‌లో క‌నిపించ‌నుందా? మ‌రేదైనా సాంగ్‌లో నాగ్‌తో ఆడిపాడ‌నుందా? అనే వివ‌రాలు తెలియాలంటే కొన్ని రోజులు ఆగాల్సిందే. జీ స్టూడియోస్, అన్న‌పూర్ణ స్టూడియోస్ బ్యాన‌ర్స్‌పై ఈ సినిమా రూపొందుతోంది. ఇందులో నాగార్జున సరసన మ‌రోసారి ర‌మ్య‌కృష్ణ క‌నిపించ‌నున్నారు. నాగార్జున కెరీర్‌లోనే బెస్ట్ హిట్‌గా నిలిచిన సోగ్గాడే చిన్ని నాయ‌నాకు సీక్వెల్‌గా వ‌స్తున్న బంగార్రాజు ఈ సంక్రాంతికి బ‌ల‌మైన పోటీలో నిల‌బ‌డ‌తాడో లేదో చూడాలి. మరో వైపు ప్రవీణ్ సత్తారు దర్శకత్వంలో నాగ్.. పక్కా యాక్షన్ మూవీ ఘోస్ట్‌లోనూ హీరోగా నటిస్తోన్న సంగతి తెలిసిందే. ఇందులో ఆయన రా ఆఫీసర్‌గా కనిపించబోతున్నారు. బంగార్రాజు కంటే ముందే ఘోస్ట్ సినిమా మొదలైన ముందుగా వచ్చేది మాత్రం బంగార్రాజు సినిమానే. మరో వైపు నాగ్..బిగ్‌బాస్ సీజన్ 5ను హోస్ట్ చేస్తోన్న సంగతి తెలిసిందే.
By November 19, 2021 at 10:55AM
No comments