Allu Arjun : అస్స‌లు ‘త‌గ్గేదే లే’ అంటున్న అల్లు అర్జున్.. ఏకంగా 1000 మందితో...
అస్స‌లు ‘త‌గ్గేదే లే’ అని అంటున్నారు ఐకాన్ స్టార్ అల్లు అర్జున్. ఇంత‌కీ ఏ విష‌యంలో అని అనుకుంటున్నారా? త‌న తొలి పాన్ ఇండియా మూవీ ‘పుష్ప’ మేకింగ్ ప‌రంగా. ఇప్ప‌టికే టాకీ పార్ట్ అంతా పూర్త‌య్యింది. రెండు పాట‌ల చిత్రీక‌ర‌ణ మాత్ర‌మే మిగిలి ఉంది. దీన్ని కూడా వారం ప‌ది రోజుల్లోపు పూర్తి చేయాల‌ని సుక్కు, బ‌న్నీ అండ్ టీమ్ భావిస్తున్నారు. అందుకే దీపావళి రోజున కూడా సినిమా షూటింగ్‌ను షురూ చేసేశారు. అలా ఇలా కాదండోయ్ ఏకంగా 1000 మంది డాన్స‌ర్స్‌తో. గ్రామీణ నేప‌థ్యంలో సాగే పాట‌ను ఇప్పుడు ది రైజ్ కోసం చిత్రీక‌రిస్తున్నారు. ఇందులో అల్లు అర్జున్‌తో పాటు 1000 మంది డాన్స‌ర్స్ పాల్గొన‌డం విశేషం. ఇప్ప‌టికే ఈ సినిమా నుంచి విడుద‌లైన పుష్ప ఇంట్ర‌డ్యూస్ అంటూ క్యారెక్ట‌ర్ టీజ‌ర్‌తో పాటు ‘దాక్కో దాక్కో మేక..’ సాంగ్ ‘సామి సామి..’ సాంగ్స్ యూ ట్యూబ్‌ను షేక్ చేసేశాయి. ఇప్పుడు మ‌రో సాంగ్‌ను చిత్రీక‌రిస్తున్నారు. ఈ సాంగ్ లొకేష‌న్ నుంచి ఓ ఫొటోను చిత్ర యూనిట్ దీపావళి సంద‌ర్భంగా విడుద‌ల చేసింది. ఎంత త్వ‌ర‌గా వీలైతే అంత త్వ‌ర‌గా షూటింగ్‌ను పూర్తి చేసేస్తే.. ప్ర‌మోష‌న్స్ కోసం తిర‌గాల్సి ఉంటుంది. పాన్ ఇండియా మూవీ కాబ‌ట్టి ఇండియాలోని ప్ర‌ధాన న‌గ‌రాల్లో సినిమా కోసం చిత్ర యూనిట్ ప్రెస్‌మీట్స్ పెట్ట‌బోతుంద‌ని, అందుకు సంబంధించిన ప్లానింగ్ కూడా పూర్త‌య్యింద‌ని స‌మాచారం. చిత్తూరు జిల్లా శేషాచ‌ల అడ‌వుల్లోని ఎర్ర‌చంద‌నం స్మ‌గ్లింగ్ నేప‌థ్యంలో సాగే చిత్ర‌మిది. ఇందులో బ‌న్నీ పుష్ప‌రాజ్ అనే లారీ డ్రైవ‌ర్ పాత్ర‌లో క‌నిపిస్తుంటే, అత‌ని ప్రేయ‌సి.. శ్రీవ‌ల్లిగా ర‌ష్మిక మంద‌న్న క‌నిపించ‌నుంది. ఇక మ‌ల‌యాళ స్టార్ హీరో ఫ‌హాద్ ఫాజిల్ ఇందులో గ్రే షేడ్‌లో సాగే పోలీస్ ఆఫీస‌ర్ పాత్ర‌లో క‌నిపించ‌బోతున్నారు. ఆర్య, ఆర్య 2 చిత్రాల త‌ర్వాత అల్లు అర్జున్, సుకుమార్ కాంబినేష‌న్‌లో వ‌స్తున్న సినిమా కావ‌డంతో సినిమాపై అంచ‌నాలు భారీగా ఉన్నాయి. రెండు భాగాలుగా తెర‌కెక్కుతోన్న ఈ చిత్రంలో తొలి భాగం ‘పుష్ప ది రైజ్’.. డిసెంబ‌ర్ 17న తెలుగు, త‌మిళ, క‌న్న‌డ, మ‌ల‌యాళ, హిందీ భాష‌ల్లో విడుద‌ల‌వుతుంది.
By November 05, 2021 at 06:33AM
No comments