11: 11: నా ఎదుగుదలకి సింహభాగం ఆయనే.. ఇలా మీ ఋణం తీర్చుకుంటున్నా.. చిరంజీవి ఆసక్తికర వ్యాఖ్యలు

టాలీవుడ్‌లో చిన్న సినిమాలకు పెద్ద స్టార్స్ సపోర్ట్ లభిస్తుండటం శుభ పరిణామంగా చెప్పుకోవాలి. చాలా మంది స్టార్ హీరోలు, స్టార్ డైరెక్టర్లు కొత్త తరాన్ని ప్రోత్సహిస్తూ ఇండస్ట్రీని ముందుకు తీసుకెళ్తుండటం చూస్తున్నాం. తాజాగా మెగాస్టార్ లాంటి దిగ్గజ నటుడు కెరీర్ పరంగా ఇప్పుడిప్పుడే ఎదుగుతున్న ఓ యువ హీరో సినిమా కోసం కదలిరావడం గర్వంగా చెప్పుకోవాల్సిన అంశం. కోటి తనయుడు రాజీవ్ సాలూర్‌కి తన ప్రోత్సాహాన్ని అందిస్తూ ఆయన లేటెస్ట్ మూవీ ''11: 11'' ఫస్ట్ లుక్ లాంచ్ చేశారు చిరంజీవి. టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాలపై కోటి తనయుడు రాజీవ్ సాలూర్ హీరోగా, వాణి విశ్వనాథ్ కూతురు వర్ష విశ్వనాథ్ హీరోయిన్‌గా కిట్టు నల్లూరి దర్శకత్వంలో తెరకెక్కిన ''11: 11'' ఫస్ట్ లుక్ లాంచ్ ప్రోగ్రాం హైదరాబాద్ లోని పార్క్ హయత్ హోటల్‌లో గ్రాండ్‌గా నిర్వహించారు. నిన్న (గురువారం) సాయంత్రం జరిగిన ఈ వేడుకకు మెగాస్టార్ చిరంజీవి సహా మణిశర్మ, కోటి ముఖ్య అతిథులుగా విచ్చేసి టైగర్ హిల్స్ ప్రొడక్షన్ బ్యానర్‌‌ని, ''11: 11'' ఫస్ట్ లుక్‌ని విడుదల చేశారు. ఈ వేదికపై మాట్లాడిన చిరంజీవి.. సినీ ఇండస్ట్రీకి వస్తున్న నూతన నటీనటులకు వెల్‌కమ్ చెప్పారు. ఈ రోజు చాలా మంచి రోజు. తన మరో సినిమా 'భోళా శంకర్' కూడా ఇదే రోజు ప్రారంభించడం, అలాగే కోటి గారి కొడుకు రాజీవ్‌ను ఆశీర్వదించడానికి ఇక్కడికి రావడం చాలా సంతోషంగా ఉందని మెగాస్టార్ అన్నారు. కోటి గారితో తనకున్న అనుబంధం గొప్పదని, తన సినిమా అంటే ప్రత్యేకించి అన్ని రకాల హంగులతో ప్రత్యేకమైన శ్రద్ద తీసుకొని ఆయన సంగీతం అందించేవారని చెప్పారు. ముఖ్యంగా చెప్పాలంటే తన విజయాలకి, ఎదుగుదలకి సింహభాగం రాజ్- కోటి లదే అని చిరంజీవి చెప్పడం విశేషం. ''స్పెషల్‌గా చెప్పాలంటే 80, 90 దశకంలో హిట్లర్, రిక్షావోడు లాంటి సినిమాలు 12 వరకు చేయడం జరిగింది. మొత్తం 60 సాంగ్స్ అంటే నాకు 90% సూపర్ డూపర్ హిట్స్ ఇచ్చాడు. ఇంత మంచి హిట్ సాంగ్స్ ఇచ్చినటువంటి కోటి గారి ఋణం తీర్చుకోలేక పోయానే అనే బాధ ఉండేది. కానీ ఈ రోజు కోటి గారి కొడుకు రాజీవ్‌ను ఆశీర్వదించడానికి వచ్చినందుకు నాకు చాలా సంతోషంగా ఉంది. సాలూరు రాజేశ్వరరావు గారు ఎంతో గొప్ప లెజెండరీ సంగీత దర్శకుడు. ఆయన వారసత్వాన్ని పుణికి పుచ్చుకుని వచ్చిన కోటి గారు కూడా తండ్రి బాటలో పయనించి సంగీతంలో తండ్రికి తగ్గ తనయుడిగా రెండు దశాబ్దాల పాటు అద్భుతమైన సంగీతాన్ని ప్రేక్షకులకు అందించారు. సినీ కళామ తల్లిని నమ్ముకున్న వారు ఎవ్వరు కూడా చెడిపోలేదు. వచ్చిన వారంతా కూడా మొదటగా కష్టాన్ని నమ్ముకుని పని చేస్తూ నిజాయితీగా ఉండాలి. అలా ఉన్న వారికి ఖచ్చితంగా అవకాశం లభిస్తుంది. సినీ ఇండస్ట్రీకి కొత్త తరం రావాలి. వచ్చి ఇండస్ట్రీలో మాలాంటి పెద్దల ఎక్స్పీరియన్స్‌తో సలహాలు తీసుకోవాలి. ఇండస్ట్రీ ఎప్పుడూ ప్రెష్‌గా సాగిపోవాలని కోరుకుంటున్నాను. అలాగే రాజీవ్‌కు కూడా ఈ సినిమా మంచి బ్రేక్ ఇవ్వాలి. ఈ చిత్ర నిర్మాత వీరేష్ (బళ్లారి) కూడా ఎలాంటి లాభాపేక్ష లేకుండా ఫ్యాషన్‌తో ఇండస్ట్రీకి రావడం చాలా గ్రేట్‌నెస్. దర్శకుడు కిట్టు గారికి , హీరోయిన్ వర్ష లకు ఈ సినిమా ద్వారా గొప్ప సక్సెస్ రావాలని మనస్ఫూర్తిగా కోరుకుంటున్నా'' అని చిరంజీవి అన్నారు. గాజుల వీరేష్ (బళ్లారి) నిర్మిస్తున్న ప్రొడక్షన్ నెంబర్ 1గా రూపొందుతున్న ఈ డిఫరెంట్ కాన్సెప్ట్ మూవీ ""లో సదన్, లావణ్య, రాజా రవీంద్ర, రాజా శ్రీ ముఖ్యపాత్రలు పోషించారు. మణిశర్మ సంగీతం అందించారు. అతి త్వరలో ఈ మూవీ రిలీజ్ డేట్ ప్రకటించనున్నారు మేకర్స్.

By November 12, 2021 at 11:21AM

Read More https://telugu.samayam.com/telugu-movies/cinema-news/koti-son-rajeev-saluris-1111-first-look-launch-by-chiranjeevi/articleshow/87660886.cms