కొవాగ్జిన్‌కు ఈయూఏపై వచ్చేవారం తుది నిర్ణయం..WHO కీలక ప్రకటన

భారత్‌ బయోటెక్‌ అభివృద్ధి చేసిన కొవిడ్‌-19 వ్యాక్సిన్ ‘కొవాగ్జిన్‌’కు ‘అత్యవసర వినియోగ అనుమతి (ఈయూఏ) ఇచ్చే అంశంపై వచ్చే వారం తుది నిర్ణయం తీసుకోనున్నట్లు ప్రపంచ ఆరోగ్య సంస్థ (డబ్ల్యూహెచ్‌వో) ట్వీట్‌ చేసింది. ‘‘డబ్ల్యూహెచ్‌వో, స్వతంత్ర నిపుణులు వచ్చేవారం సమావేశం కానున్నారు. టీకాపై మదింపు చేస్తారు. కొవాగ్జిన్‌కు అత్యవసర వినియోగ లిస్టింగ్ (ఈయూఎల్‌) ఇవ్వడంపై తుది నిర్ణయం తీసుకోనున్నారు’’ అని పేర్కొంది. కొవాగ్జిన్‌పై సిఫార్సులపై డబ్ల్యూహెచ్‌వోకు సంబంధించిన వ్యూహాత్మక నిపుణుల సలహా బృందం మంగళవారం సమావేశమైందని తెలిపింది. ‘టీకాకు సంబంధించిన డేటాను భారత్‌ బయోటెక్‌ సమర్పించింది.. నిపుణుల బృందం లేవనెత్తి సాంకేతిక అంశాలకు సంబంధించి గత నెల 27న అదనపు వివరాలను అందజేసింది... దీనిపై పరిశీలన జరుగుతోంది.. వచ్చేవారం తుది నిర్ణయం తీసుకోనుంది ’’ అని పేర్కొంది. భారత్ స‌హా కొన్ని దేశాల్లో ఇప్ప‌టికే అత్య‌వ‌స‌ర వినియోగం కొన‌సాగుతున్నా…WHO గుర్తింపు పొందిన క‌రోనా వ్యాక్సిన్ల జాబితాలో మాత్రం లేదు. డబ్ల్యూహెచ్ఓ EUA లేకుండా కొవాగ్జిన్‌ను ప్రపంచవ్యాప్తంగా చాలా దేశాలు ఆమోదం లభించిన టీకాగా పరిగణించవు. కొవాగ్జిన్ అత్యవసర గుర్తింపునకు సంబంధించి డబ్ల్యూహెచ్ఓకి చెందిన స్ట్రాటజిక్ అడ్వైజరీ గ్రూప్ ఆఫ్ ఎక్స్ పర్ట్స్ ఆన్ ఇమ్యునైజేషన్ (SAGE) బుధవారం చర్చించనున్నట్టు తెలుస్తోంది. SAGE ముసాయిదా ఎజెండా ప్రకారం, టీకాను అభివృద్ధి చేసిన అక్టోబర్ 6న క్లినికల్ ట్రయల్స్ (దశ 1-3 ట్రయల్ ఫలితాలు, పోస్ట్ మార్కెటింగ్) రిస్క్ మేనేజ్‌మెంట్ ప్లాన్లు, వ్యాక్సిన్ భద్రత, సమర్థత డేటాపై ప్రజెంటేషన్ ఇస్తుందని భావిస్తున్నారు. అక్టోబర్ 6న జరిగే సెషన్‌లో కొవాగ్జిన్ సమర్పించిన డేటాపై చర్చించనున్నారని సమాచారం. మూడు దశల క్లినికల్ ట్రయల్స్, కొవాగ్జిన్ క్లినికల్ డేటా, భద్రత, ఇమ్యునోజెనిసిటీ, సమర్థతపై పోస్ట్ మార్కెటింగ్ స్టడీస్‌ని క్షుణ్ణంగా చర్చిస్తుందని, టీకా భద్రతా పర్యవేక్షణ కోసం ప్రపంచ, ప్రాంతీయ, దేశ స్థాయి ప్రణాళికలను అప్‌డేట్ చేస్తారని తెలిసింది. మూడో దశ క్లినికల్ ట్రయల్స్‌ కొవాగ్జిన్ 77.8 శాతం సమర్ధతను చూపినట్టు భారత్ బయోటెక్ వెల్లడించింది. దేశంలో అత్యవసర వినియోగం కింద కొవాగ్జిన్, కొవిషీల్డ్ టీకాలను ఈ ఏడాది జనవరిలో కేంద్రం అనుమతించింది. తర్వాత రష్యా వ్యాక్సిన్ స్పుత్నిక్-వీకి అనుమతి ఇచ్చిన విషయం తెలిసిందే. కొవాగ్జిన్‌కు అత్యవసర వినియోగం గుర్తింపు విషయంలో డబ్ల్యూహెచ్ఓ నుంచి ఏ క్షణంలోనైనా అనుమతి రావచ్చని గతవరాం కేంద్ర ఆరోగ్య మంత్రిత్వ శాఖ వ్యాఖ్యానించింది. ‘అమోదం కోసం డాక్యుమెంట్లను సమర్పించడానికి ఓ విధానం ఉంది. కొవాగ్జిన్‌కు డబ్ల్యూహెచ్‌ఓ అత్యవసర వినియోగ గుర్తింపు త్వరలో లభిస్తుంది’ అని కేంద్ర ఆరోగ్య శాఖ సహాయ మంత్రి డాక్టర్ భారతి ప్రవీణ్ పవార్ అన్నారు.

By October 06, 2021 at 07:28AM

Read More https://telugu.samayam.com/latest-news/india-news/decision-on-covaxin-clearance-next-week-says-who/articleshow/86799522.cms