HBD Keerthy Suresh: కీర్తి సురేష్‌కి సమంత బెస్ట్ విషెస్.. ఆ రోజు పార్టీ మూమెంట్ షేర్ చేస్తూ!!
తెలుగు, తమిళ, మలయాళీ బాషా చిత్రాల్లో నటిస్తూ తనకంటూ ప్రత్యేక గుర్తింపు తెచ్చుకుంది యంగ్ హీరోయిన్ కీర్తి సురేష్. పలు భాషా చిత్రాల స్టార్ హీరోల సరసన ఆడిపాడి పాపులర్ అయింది. హోమ్లీ లుక్స్‌తో యువతను అట్రాక్ట్ చేసి సౌత్ ఇండియన్ తెరపై బిజీ హీరోయిన్ అయింది. అయితే నేడు (అక్టోబర్ 17) కీర్తి పుట్టిన రోజు సందర్భంగా ఆమెకు బెస్ట్ విషెస్ పోస్ట్ చేస్తూ పలువురు సినీ ప్రముఖులు సోషల్ మీడియాలో పోస్టులు పెడుతున్నారు. ఈ నేపథ్యంలోనే టాలీవుడ్ స్టార్ హీరోయిన్ , ఆమెకు బెస్ట్ విషెస్ చెప్పింది. రీసెంట్‌గా కీర్తి, త్రిష, కళ్యాణి ప్రియదర్శన్‌ ఇతర స్నేహితులతో కలిసి చెన్నైలో పార్టీ చేసుకుంది సమంత. వీకెండ్ రావడంతో ఈ సాయంత్రం బాగా ఎంజాయ్ చేశాం అంటూ కొన్ని రోజుల క్రితం ఆ ఫోటోలను పంచుకుంది. ఈ క్రమంలోనే తాజాగా మరోసారి అదే మూమెంట్ పంచుకుంటూ తన ఫ్రెండ్, తోటి హీరోయిన్ కీర్తికి పుట్టిన రోజు శుభాకాంక్షలు చెప్పింది. ఈ ఏడాది నీకు మరిన్ని విజయాలు దక్కాలని, ఆ దేవుడి ఆశీర్వాదం నీపై ఉండాలని కోరుకుంటున్నా అని రాసుకొచ్చింది సామ్. ఇక కీర్తి సినిమాల విషయానికొస్తే.. ప్రస్తుతం మహేష్ బాబు సరసన 'సర్కారు వారి పాట' మూవీలో నటిస్తోంది. మహేష్ ప్రెస్టీజియస్ ప్రాజెక్టుగా రూపొందనున్న ఈ సినిమాను మైత్రీ మూవీ మేకర్స్, జీఎమ్‌బి ఎంటర్‌టైన్‌మెంట్ ,14 రీల్స్ ప్లస్ సంస్థలు సంయుక్తంగా సమర్పిస్తున్నాయి. ఎస్.ఎస్. థమన్ సంగీతం అందిస్తున్నారు. మరోవైపు మెగాస్టార్ చిరంజీవితో కలిసి 'భోళా శంకర్' సినిమాలో తేరా పంచుకుంటోంది కీర్తి సురేష్.
By October 17, 2021 at 11:17AM
No comments