పెళ్లి రోజున సమంత పోస్ట్.. మూడేళ్లుగా ఆమె చేసిన కామెంట్స్! చివరకు అక్కినేని ఫ్యామిలీతో కటాఫ్..

ప్రస్తుతం సమంత- విడాకుల మ్యాటర్ టాలీవుడ్ వర్గాల్లో హాట్ టాపిక్ అయింది. ప్రేమించి పెళ్లి చేసుకున్న ఈ జంట అనూహ్యంగా విడిపోవడం సంచలనంగా మారింది. చాలా రోజులుగా ఈ విషయంపై వార్తలు వస్తుండగా.. తాజాగా నిన్న (అక్టోబర్ 2) తామిద్దరం విడిపోతున్నామని, తమ వివాహ బంధానికి స్వస్తి చెప్పి స్నేహితులుగా ఉండాలని డిసైడ్ అయ్యామని అటు నాగ చైతన్య, ఇటు అఫీషియల్‌గా అనౌన్స్ చేశారు. దీంతో ఈ అంశం జనాల్లో చర్చల్లో నిలిచింది. నాగ చైతన్య తొలిసారి 2009లో 'ఏ మాయ చేసావే' సినిమా సెట్స్‌పై కలిసింది సమంత. ఆ సినిమా షూటింగ్ సమయంలోనే ఇద్దరి మధ్య మంచి రిలేషన్ ఏర్పడింది. ఈ క్రమంలోనే వారి మధ్య ప్రేమ చిగురించి పెళ్లి దాకా వెళ్ళింది. 2015 సంవత్సరంలో నాగ చైతన్య బర్త్‌ డే రోజు విష్ చేస్తూ సమంత చేసిన ట్వీట్.. వారి మధ్య ఏదో ఉందనే ప్రచారానికి తెరలేపింది. ఆ తర్వాత పెద్దల అంగీకారంతో 2017 అక్టోబర్ 6వ తేదీన చై- సామ్ జోడీ పెళ్లి బంధంతో ఒక్కటైంది. అప్పటినుంచి అక్కినేని కోడలిగా నాలుగేళ్ల పాటు నాగ చైతన్యతో దాంపత్య జీవితం కొనసాగించిన సామ్.. ఇప్పుడు అక్కినేని ఫ్యామిలీతో కటాఫ్ చేసుకుంటున్నట్లు ప్రకటించింది. అయితే మరో వారం రోజుల్లో చై-సామ్ నాలుగో పెళ్లి రోజు రానున్న సమయంలో ఈ వార్త బయటకు రావడంతో ఇరువురి అభిమానుల గుండె పగిలింది. ఈ క్రమంలో గత మూడేళ్ళలో తమ పెళ్లి రోజున భర్త నాగ చైతన్యపై ఆమె కురిపించిన ప్రేమ, సోషల్ మీడియాలో షేర్ చేసిన సందేశాలు తిరగేస్తూ.. ఇంత అన్యూన్యమైన దాంపత్య జీవితానికి ఇలా ఫుల్‌స్టాప్ పడటమేంటి? అని చర్చించుకుంటున్నారు జనం. పెళ్లై మొదటి సంవత్సరం ముగిశాక.. నాగచైతన్య సహా అక్కినేని ఫ్యామిలీతో కలిసి విదేశాలు చుట్టేసింది సమంత. అక్కడ చైతూతో తాను దిగిన ఫోటోను పోస్ట్ చేస్తూ.. 'నేను ప్రతీరోజు ఇంటికి వచ్చి నిన్ను చూడడమే నా జీవితంలో సంతోషకరమైన విషయం' అంటూ క్యాప్షన్ పెట్టింది. ఇక రెండో పెళ్లి రోజును ఇంట్లోనే జరుపుకున్న సామ్.. తమ పెళ్లి రోజు సందర్భంగా వారి పెళ్లి ఫోటోను సోషల్ మీడియాలో షేర్ చేస్తూ.. 'రెండు సంవత్సరాల పెళ్లి.. పది సంవత్సరాల ప్రేమ..' అంటూ క్యాప్షన్ పెట్టింది. మూడో పెళ్లి రోజు చై కోసం ఓ అందమైన ప్రేమలేఖ రాసింది సమంత. 'చైతన్య నువ్వు నా వాడివి నేను నీదాన్ని.. జీవితంలో ఏ అడ్డు వచ్చినా కలిసి ఎదుర్కుందాం' అని రాసి తన ట్విటర్‌లో పోస్ట్ చేసింది.

By October 03, 2021 at 10:41AM

Read More https://telugu.samayam.com/telugu-movies/cinema-news/samantha-marriage-day-tweets-last-three-years-she-posts/articleshow/86722751.cms