Breaking News

Bheemla Nayak Title Song: ఇరగదీసే ఫైర్.. నిమ్మళంగా కనబడే నిప్పుకొండ.. ఊహించిన దానికి మించి..


ఫ్యాన్స్ ఎంతగానో ఎదురుచూస్తున్న పుట్టినరోజు కానుక వచ్చేసింది. కొద్దిసేపటి క్రితం 'భీమ్లా నాయక్' ఫస్ట్ సాంగ్ రిలీజ్ చేశారు మేకర్స్. అనుహ్యంగా బర్త్ డేకు ఒక్కరోజు ముందే టైటిల్ సాంగ్ లిరికల్ షీట్‌ను రిలీజ్ చేసి అభిమానులకు సర్‏ప్రైజ్ చేసిన యూనిట్.. తాజాగా ఇంట్రో సాంగ్‌తో పూనకాలు తెప్పించారు. రచయిత రామ జోగయ్య శాస్త్రి రాసిన పదునైన లిరిక్స్‌పై యంగ్ మ్యూజిక్ సెన్సేషన్ తమన్ కంపోజ్ చేసిన ఈ పాట థియేటర్స్ లోకి రాకముందే అభిమానుల చేత ఈలలు వేయించింది. ఇరగదీసే ఫైర్ సల్లగుండ.. నిమ్మళంగా కనబడే నిప్పుకొండ.. దంచి దడదడలాడించే సేవక్ అంటూ సాగిపోతున్న ఈ సాంగ్ విడుదలైన కాసేపట్లోనే వైరల్ అయింది. ఈ సాంగ్‌పై లైకుల మోత మోగిస్తున్నారు పవన్ ఫ్యాన్స్. ఇప్పటికే విడుదలైన 'భీమ్లా నాయక్ ఫస్ట్ గ్లింప్స్' రికార్డుల సునామీ సృష్టిస్తూ దూసుకుపోగా తాజాగా విడుదలైన ఈ పాట సినిమాపై భారీ హైప్ తీసుకొచ్చింది. 'అయ్యప్పనుమ్ కోషియుమ్‌' తెలుగు రీమేక్‌గా ఈ సినిమాను రూపొందిస్తున్నారు. మాటల మాంత్రికుడు త్రివిక్ర‌మ్ శ్రీనివాస్ స్క్రీన్ ప్లే- సంభాషణలు అందిస్తుండగా.. సాగ‌ర్ కె చంద్ర ద‌ర్శ‌క‌త్వం వహిస్తున్నారు. తమన్ బాణీలు కడుతున్నారు. ఈ మూవీ కోసం పవన్ ఫ్యాన్స్ కళ్ళలో వత్తులు వేసుకొని ఎదురుచూస్తున్నారు. సంక్రాంతి కానుకగా ఈ సినిమాను ప్రేక్షకుల ముందుకు తీసుకురానున్నారు.


By September 02, 2021 at 12:00PM


Read More https://telugu.samayam.com/telugu-movies/cinema-news/pawan-kalyans-birthday-surprise-bheemla-nayak-first-song-released/articleshow/85858997.cms

No comments