మళ్ళీ అదే బాటలో నాని.. టక్ జగదీష్ టీమ్ డేరింగ్ స్టెప్! ఫైనల్ డిసీషన్ తీసుకున్న మేకర్స్
కరోనా వైరస్ కారణంగా ఊహించని పరిణామాలు చూస్తున్నాం. ఎప్పుడు ఎలాంటి విషయం వినాల్సి వస్తుందో ఎవ్వరికీ అర్థంకాని పరిస్థితి. ఫస్ట్ వేవ్, సెకండ్ వేవ్ లాంటి విపత్కర పరిస్థితులు చూసిన జనం.. తాజా సిచుయేషన్ చూసి థర్డ్ వేవ్ కూడా వస్తుందేమో అనే టెన్షన్‌లో పడిపోయారు. ఇలాంటి పరిస్థితుల నడుమ జనం ఇంట్లో నుంచి అడుగుబయట పెట్టాలంటే జంకి పోతున్నారు. థియేటర్స్ విషయానికొస్తే.. ఓపెన్ అయినా ఎంతమేరకు జనం వస్తారనేది కాస్త సందేహమైన అంశంగానే మిగిలింది. ఈ నేపథ్యంలో నాని లేటెస్ట్ మూవీ '' విషయంలో కీలక నిర్ణయం తీసుకున్నారట మేకర్స్. గతంలో నాని-శివ నిర్వాణ కాంబినేషన్ 'నిన్నుకోరి' సినిమాతో ప్రేక్షకుల మెప్పు పొందిన సంగతి తెలిసిందే. మళ్ళీ ఇప్పుడు అదే కాంబో 'టక్ జగదీష్' రూపంలో రిపీట్ అవుతోంది. నాని కెరీర్‌లో 26వ సినిమాగా ఈ మూవీ ప్రేక్షకుల ముందుకు రానుంది. ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్నారు. నాని సరసన రీతూ వర్మ, ఐశ్వర్య రాజేష్ హీరోయిన్లుగా నటిస్తున్నారు. థమన్ సంగీతం అందిస్తున్నారు. గత కొంతకాలంగా షూటింగ్ జరుపుకుంటున్న ఈ సినిమా షూటింగ్ పూర్తిచేసుకొని విడుదలకి సిద్ధమైంది. ఇప్పటికే విడుదలైన సినిమా అప్‌డేట్స్ ఓ రేంజ్ అంచనాలు క్రియేట్ చేశాయి. దీంతో అందరి చూపు ఈ సినిమాపైనే పడింది. కానీ కరోనా విపత్కర పరిస్థితుల కారణంగా ఈ మూవీ రిలీజ్ ఎప్పటికప్పుడు వాయిదా పడుతూ వచ్చింది. థియేటర్స్ లోనే రిలీజ్ చేయాలని ఫిక్సయిన మేకర్స్, తాజా సిచుయేషన్ చూసి వెనక్కి తగ్గినట్లు తెలుస్తోంది. మరోవైపు ఈ సినిమా కోసం ఓటీటీ వేదిక అమెజాన్ ప్రైమ్ భారీ ఆఫర్ ఇచ్చిందట. ఏకంగా రూ. 45 కోట్లను అమెజాన్ ప్రైమ్ చెల్లించినట్లు సమాచారం. దీంతో ఆ డీల్ ఓకే చేసిన టక్ జగదీష్ టీమ్ త్వరలోనే దీనిపై అఫీషియల్ స్టేట్‌మెంట్ ఇవ్వబోతున్నారనేది తాజా సమాచారం. సో.. నాని మరోసారి తన గత సినిమా 'V' బాటలోనే వెళుతుండటం డేరింగ్ స్టెప్ అని చెప్పుకోవచ్చు.
By August 05, 2021 at 09:37AM
No comments