గోవాలో మహేష్ బాబు ఆన్ ఫైర్.. రంగంలోకి ఫైట్ మాస్టర్లు! మ్యాటర్ చెప్పిన సర్కారు వారి పాట టీమ్
సూపర్ స్టార్ ఫైర్ అయితే ఎలా ఉంటుందో తెలిసిందేగా. అందరు హీరోల్లా కాకుండా కాస్త డిఫరెంట్ స్టైల్‌లో శత్రుమూకల పని బట్టడం మహేష్‌కే సొంతమని చెప్పుకోవచ్చు. అయితే అలాంటి ఫైట్ సీన్స్ కోసం లాంటి రొమాంటిక్ లొకేషన్ ఎంచుకుంటే ఎలా ఉంటుంది? ఇంకాస్త వెరైటీ కిక్ ఉండటం పక్కానే కదా. అదే విషయాన్ని చెబుతూ తాజాగా ఓ ట్వీట్ పెట్టింది '' టీమ్. మహేష్ బాబు 27వ సినిమాగా పరశురామ్ దర్శకత్వంలో ఈ 'సర్కారు వారి పాట' మూవీ రూపొందుతోంది. మైత్రి మూవీ మేకర్స్, 14 రీల్స్ ఎంటర్‌టైన్‌మెంట్స్, జీ మహేష్ బాబు ఎంటర్‌టైన్‌మెంట్ సంస్థలు సంయుక్తంగా నిర్మిస్తున్న ఈ సినిమాలో మహేష్ సరసన కీర్తి సురేష్ హీరోయిన్‌గా నటిస్తోంది. ఇప్పటికే విడుదలైన ఈ సినిమా అప్‌డేట్స్ మహేష్ అభిమానుల్లో బోలెడన్ని అంచనాలు నెలకొల్పాయి. రీసెంట్‌గా విడుదలైన మహేష్ బర్త్ డే బ్లాస్టర్ అయితే సోషల్ మీడియాను షేక్ చేస్తూ సరికొత్త రికార్డులు క్రియేట్ చేస్తోంది. మరోవైపు శరవేగంగా షూటింగ్ జరుపుకుంటున్న ఈ సినిమా ప్రస్తుతం గోవాలో కీలక సన్నివేశాల చిత్రీకరణలో ఉంది. అక్కడ మహేష్ బాబుపై ఓ యాక్షన్ ఎపిసోడ్ చిత్రీకరిస్తున్నారు. ఈ విషయాన్ని అధికారికంగా వెల్లడించిన చిత్రయూనిట్.. రామ్- లక్ష్మణ్ కొరియోగ్రఫీలో గోవాలో ఫైట్ సీన్స్ షూట్ చేస్తున్నట్లు తెలుపుతూ షూటింగ్ లొకేషన్ స్టిల్ రిలీజ్ చేశారు. ఇందులో పరశురామ్ సీన్ ఎక్స్‌ప్లేన్ చేస్తుంటే మహేష్ బాబు శ్రద్దగా వింటూ కనిపిస్తున్నారు. ఈ పిక్ సోషల్ మీడియాలో వైరల్ అవుతోంది. సంక్రాంతి కానుకగా జనవరి 13న ఈ 'సర్కారు వారి పాట' ప్రేక్షకుల ముందుకు రానుంది.
By August 14, 2021 at 08:18AM
No comments