Breaking News

KTR : మాట నిలబెట్టుకున్న దేవీ శ్రీ ప్రసాద్.. కేటీఆర్ ప్రశంసల వర్షం


తెలంగాణ రాష్ట్ర మంత్రి తన పనుల్లో ఎంత బిజీగా ఉన్నా కూడా సోషల్ మీడియాలో యాక్టివ్‌గా ఉంటారు. ఎవరైనా ఆపదలో ఉన్నారని తెలిస్తే క్షణాల్లో స్పందిస్తారు. యువతను సామాజిక సేవలో భాగమయ్యేందుకు ప్రోత్సహిస్తుంటారు. ప్రతిభ ఎక్కడున్నా కూడా వెలికితీసేందుకు ప్రయత్నిస్తుంటారు. అలా ఓ చిన్నారి గాయని గురించి కేటీఆర్‌కు తెలిసిందే. వెంటనే ట్విట్టర్‌లో తమన్, వంటి వారిని ట్యాగ్ చేస్తూ ఇలాంటి ప్రతిభ ఉన్న వారిని ప్రోత్సహించండి వెలుగులోకి తీసుకురండి అని కోరారు. గత నెలలో జరిగిన ఈ సంఘటన అందరికీ గుర్తుండే ఉంటుంది. అలా నాడు కేటీఆర్ వేసిన్ ట్వీట్లకు దేవీ శ్రీ ప్రసాద్, తమన్ స్పందించారు. తాను చేస్తోన్న రాక్ స్టార్ ప్రోగ్రాంలో కచ్చితంగా ఆమె చేత పాటలు పాడిస్తాను, ఇలాంటి ప్రతిభ ఉన్న వారి కోసమే ఈ ప్రోగ్రాం చేస్తున్నామని దేవీ శ్రీ ప్రసాద్ నాడు మాటిచ్చారు. అయితే మాటల్లోనే కాదు చేతల్లోనూ తాను ముందుంటాను అని దేవీ శ్రీ ప్రసాద్ నిరూపించుకున్నారు. మెదక్ జిల్లాకు చెందిన ఆ గాయన్ని వెతికి పట్టుకుని మరీ తన షోలో పాట పాయించాను అని, ఇచ్చిన మాటను నిలబెట్టుకున్నాను అని కేటీఆర్‌కు దేవీ శ్రీ ప్రసాద్ ట్వీట్ వేశారు. ఆమె స్టేజ్ మీద అదరగొట్టేసిందని ప్రశంసలు కురిపించారు. ఇక దేవీ శ్రీ ప్రసాద్ చేసిన పనికి కేటీఆర్ సంబరపడిపోయారు. గొప్ప పని చేశావ్ బ్రదర్ అంటూ దేవీని పొగిడేశారు. మీరు ఇంత బిజీగా ఉన్నప్పటికీ ఆ సింగర్ గురించి మాకు తెలిసేలా చేశారు.. మీ సపోర్ట్‌ను ఎప్పుడూ మరిచిపోలేమని దేవీ శ్రీ ప్రసాద్ అన్నారు.


By July 17, 2021 at 07:40AM


Read More https://telugu.samayam.com/telugu-movies/cinema-news/devi-sri-prasad-and-ktr-tweets-about-singer-sravani/articleshow/84491862.cms

No comments