Breaking News

Karthik Hospitalised: హీరో కార్తీక్‌కి తీవ్ర గాయాలు.. కండిషన్ సీరియస్


‘సీతకోక చిలుక’ వంటి సూపర్ హిట్ సినిమాలో నటించి ప్రేక్షకులను అలరించిన సీనియర్ నటుడు ఆస్పత్రి పాలయ్యారు. ఇంట్లో కసరత్తు చేస్తుండగా ఆయన కాలికి తీవ్ర గాయం కావడంతో వెంటనే ఆయన్ని అడయార్‌లోని ఓ ప్రైవేటు ఆస్పత్రికి తరలించారు. అయితే ఇందులో ఆందోళన చెందాల్సిన విషయం ఏమిటంటే ఆయనకి గతంలోనే అదే కాలికి గాయం అయింది. దీంతో అప్పుడు డాక్టర్లు ఆయనకి శస్త్ర చికిత్స అందించారు. ఇప్పుడు మళ్లీ అదే చోట గాయం కావడం కుటుంబసభ్యులను కలవరపెడుతోంది. తమిళ ఇండస్ట్రీలో ప్రముఖ నటుడు ఆర్ ముతురామన్ కుమారుడిగా ఇండస్ట్రీలోకి కార్తీక్ అడుగుపెట్టారు. అయితే నటనతో పాటు గాయకుడిగా కూడా ఆయన మంచి గుర్తింపు తెచ్చుకున్నారు. తెలుగులో ‘అన్వేషణ’, ‘మగరాయుడు’, ‘అభినందన’, ‘అనుబంధం’, ‘గోపాల రావు గారి అబ్బాయి’ తదితర సినిమాల్లో ఆయన నటించారు. అయితే 2000 తర్వాత ఆయనకు పెద్దగా సినిమా అవకాశాలు రాలేదు. దీంతో ఆయన రాజకీయాలపైపు అడుగులు వేశారు. తన సొంతంగా ఆయన పార్టీ కూడా ప్రారంభించి.. కొన్ని అనివార్య కారణాలతో రద్దు చేశారు. ప్రస్తుతం ఆస్పత్రిలో ఆయన కాలికి డాక్టర్లు స్కానింగ్ నిర్వహించారు. గతంలో గాయం అయిన చోటే మళ్లీ చిన్న క్రాక్ వచ్చినట్లు డాక్టర్లు ఈ స్కానింగ్‌లో గుర్తించినట్లు తెలుస్తోంది. ప్రస్తుతం ఆయనకు మెరుగైన చికిత్స అందిస్తున్నామని.. అయితే ఆయన ఆరోగ్య పరిస్థితి ఎలా ఉందనే విషయాన్ని ఇప్పుడే చెప్పలేమని వైద్యులు అంటున్నారు. ఇక కార్తీక్ ఆయన కుమారుడు గౌతమ్‌ని కూడా నటుడిని చేశారు. మణిరత్నం దర్శకత్వంలో వచ్చిన ‘కడలి’ అనే సినిమాతో గౌతమ్ వెండితెరకు పరిచయం అయ్యాడు. కార్తీక్ ఆస్పత్రిలో ఉన్నారని తెలియగానే ఆయన త్వరగా కోలుకోవాలని అభిమానులు ప్రార్థనలు చేస్తున్నారు.


By July 29, 2021 at 12:14PM


Read More https://telugu.samayam.com/telugu-movies/cinema-news/senior-tamil-actor-karthik-injured-and-hospitalized/articleshow/84851172.cms

No comments