ఇండియాలో చెత్త భాష అదే.. గూగుల్ సమాధానంపై హీరోయిన్ ప్రణీత ఫైర్
సోషల్ మీడియాలో ఎంత యాక్టివ్‌గా ఉంటారో అందరికీ తెలిసిందే. సేవా కార్యక్రమాల్లోనూ ముందుంటారు. గతేడాది లాక్డౌన్ సమయంలో ప్రణీత చేసిన మంచి పనుల గురించి అందరికీ తెలిసిందే. ఎంతో మంది ఆకలిని తీర్చేందుకు స్వయంగా రంగంలోకి దిగారు. ఆహార పంపిణి చేస్తూ పేదలు, ఉపాధి కోల్పోయిన వారికి అండగా నిలబడ్డారు. అలాంటి ప్రణీతకు సోషల్ మీడియాలో మంచి ఫాలోయింగ్ పెరిగింది. ఆమెను అందరూ గౌరవించడంప్రారంభించారు. అంతకు ముందు నటిగా ఆమెపై అభిమానాన్ని చూపించినా కూడా.. ఆమె చేసిన మంచి పనులతో మరింత ఫ్యాన్ ఫాలోయింగ్‌ను పెంచుకున్నారు. అయితే ఈ వారమే ప్రణీత పెళ్లి చేసుకున్నారు. చెప్పాపెట్టకుండా వివాహాం చేసుకోవడం అభిమానులు కాస్త హర్ట్ అయ్యారు. నితిన్ రాజ్ అనే వ్యాపారవేత్తను పెళ్లి చేసుకున్నానని, కరోనా వల్ల అలా అంతా సడెన్‌గా అయిపోయిందని క్షమించమని తన అభిమానులను ప్రణీత కోరారు. అయితే తాజాగా ప్రణీత చేసిన కామెంట్లు వైరల్ అవుతున్నాయి. గూగుల్ చెప్పిన ఓ సమాధానం కన్నడిగులను కించపరిచాయి. గూగుల్ ఒక్కోసారి తలాతోక లేని సమాధానాలను చెబుతుందన్న సంగతి తెలిసిందే. ఇండియాలో అత్యంత చెత్త భాష ఏది అని సర్చ్ చేస్తే కన్నడ అని చూపించింది. దీంతో కన్నడిగులు ఫైర్ అయ్యారు. అందులో ప్రణీత కూడా ఒకరు. తమ మాతృభాషను అలా కించపరడంతో ప్రణీత ఆగ్రహం వ్యక్తం చేశారు. దేశభాషల్లోకెల్లా కన్నడ అత్యంత ప్రాచీనమైంది.. ఎంతో చరిత్ర ఉందని.. క్వీన్ ఆఫ్ లాంగ్వేజ్ అని గర్వంగా చెప్పుకొచ్చారు. అలా మొత్తానికి గూగుల్ కూడా దిగి వచ్చి కన్నడ ప్రజలకు క్షమాపణలు చెప్పింది.
By June 04, 2021 at 12:14PM
No comments