Covid-19: తన ఆరోగ్య పరిస్థితిపై ఎన్టీఆర్ రెస్పాన్స్.. రంజాన్ శుభాకాంక్షలు తెలుపుతూ హెల్త్ అప్‌డేట్
యంగ్ టైగర్ ఇటీవలే బారిన పడిన సంగతి తెలిసిందే. కొద్ది రోజుల క్రితం తనకు కోవిడ్ పాజిటివ్ అని స్వయంగా తెలుపుతూ ట్వీట్ చేసిన ఎన్టీఆర్.. అభిమానులెవ్వరూ ఆందోళన చెందాల్సిన అవసరం లేదని, త్వరలో పూర్తి ఆరోగ్యంతో తిరిగి వస్తానని పేర్కొన్నారు. దీంతో పలువురు సెలబ్రిటీలు, ఆయన అభిమానులు ఎన్టీఆర్ ఆరోగ్యం గురించి ప్రార్థనలు చేస్తున్నారు. ఈ నేపథ్యంలో తాజాగా తన హెల్త్ కండిషన్‌పై అప్‌డేట్ ఇస్తూ పండగ శుభాకాంక్షలు చెప్పారు. రంజాన్ పర్వదినాన్ని పురస్కరించుకుని ముస్లిం సోదరులందరికీ శుభాకాంక్షలు తెలుపుతూ ఆయన ట్వీట్ చేశారు. ''ప్రతి ఒక్కరికీ ఈద్ శుభాకాంక్షలు. నా ఆరోగ్యం బాగుండాలని ప్రార్థనలు చేస్తున్న మీకు, మీ ప్రేమాభిమానాలకు ధన్యవాదాలు. ఇప్పుడిప్పుడే కరోనా నుంచి కోలుకుంటున్నాను. త్వరలోనే కోవిడ్ నుంచి పూర్తిగా కోలుకుని, పూర్తి ఆరోగ్యంగా మీ ముందుకు వస్తా. జాగ్రత్తలు పాటించండి.. సురక్షితంగా ఉండండి'' అని ఎన్టీఆర్ పేర్కొన్నారు. ఎన్టీఆర్ ప్రస్తుతం రాజమౌళి రూపొందిస్తున్న RRR మూవీలో నటిస్తున్నారు. భారీ బడ్జెట్ కేటాయించి డీవీవీ దానయ్య నిర్మిస్తున్న ఈ సినిమాలో రామ్ చరణ్ మరో హీరోగా నటిస్తున్నారు. కొమురం భీం పాత్రలో ఎన్టీఆర్, అల్లూరి సీతారామరాజు పాత్రలో రామ్ చరణ్ కనిపించనున్నారు. ఇప్పటికే మేజర్ పార్ట్ షూటింగ్ కంప్లీట్ చేసుకున్న ఈ సినిమాను దసరా కానుకగా అక్టోబర్ నెలలో ప్రేక్షకుల ముందుకు తీసుకురావాలనేది ప్లాన్. RRR పూర్తయిన వెంటనే కొరటాల శివతో మరో సినిమా చేయనున్నారు ఎన్టీఆర్.
By May 14, 2021 at 11:08AM
No comments