సినీ గేయ రచయిత అదృష్ట దీపక్ కన్నుమూత
కరోనా కల్లోల పరిస్థితుల్లో వరుసపెట్టి వినిపిస్తున్న మరణవార్తలు తీవ్ర విషాదంలోకి నెట్టేస్తున్నాయి. సినీ ఇండస్ట్రీ నుంచి అయితే ఒకరి మరణం తాలూకు విషయం నుంచి పూర్తిగా తేరుకోకముందే మరొకరి మరణవార్త బయటకు వస్తుండటం ఆందోళన కలిగిస్తోంది. తాజాగా అభ్యుదయ కవి కన్నుమూశారు. కరోనాతో పోరాడుతూ కాకినాడలోని ఓ ప్రైవేటు ఆసుపత్రిలో ఆయన తుది శ్వాస విడిచారు. సినీ గేయ రచయితగా, నటుడిగా ఎన్నో ప్రశంసలు అందుకున్నారు అదృష్ట దీపక్. నేటి భారతం చిత్రంలో ఆయన రచించిన ‘మానవత్వం పరిమళించే మంచి మనసుకు స్వాగతం’ గీతానికి ఉత్తమ గేయ రచయితగా నంది అవార్డు పొందారు. ఆయన రచనలకు గాను ఎన్నో పురస్కారాలు లభించాయి. అదృష్ట దీపక్ మరణవార్త తెలిసి పలువురు సినీ ప్రముఖులు సోషల్ మీడియా వేదికగా సంతాపం తెలుపుతున్నారు.
By May 16, 2021 at 10:51AM
No comments