‘హ్యాపీ మదర్స్ డే’ అంటూ.. తనదైన స్టైల్‌లో విషెస్ చెప్పిన రామ్ గోపాల్ వర్మ
వివాదాస్పద దర్శకుడు ఏం చేసినా.. అది వెరైటీగా ఉంటుంది. ఒక విషయంపై ప్రపంచమంతా ఒకలా స్పందిస్తే.. వర్మ అందుకు భిన్నంగా స్పందిస్తుంటారు. అది సినిమాలకు సంబంధించిన అంశం కావొచ్చు.. రాజకీయాలు కావొచ్చు.. లేదా వేరే ఏదైనా కావొచ్చు.. మరి తనదైన మార్క్‌తో ఆ అంశాన్ని కాంట్రవర్సీ చేస్తారు. ఈ మధ్యకాలంలో కరోనా కేసులు విపరీతంగా పెరిగిపోతున్న నేపథ్యంలో కేంద్ర ప్రభుత్వంపై విమర్శలు చేస్తూ.. వర్మ వరుసగా ట్వీట్లు చేస్తున్నారు. అంతకు ముందు కుంభమేళపై కూడా వర్మ కాంట్రవర్షియల్ ట్వీట్లు చేశారు. ఇలా చెప్పుకుంటూ పోతే.. వర్మ కాంట్రవర్సీ క్రియేట్ చేయని రోజు ఉండదు. ఇక ఈ ఆదివారం(మే 9న) అంతర్జాతీయ మాతృ దినోత్సవం ప్రపంచవ్యాప్తంగా జరుపుకుంటున్నారు. సెలబ్రిటీల నుంచి నెటిజన్ల వరకూ ప్రతీ ఒక్కరు శుభాకాంక్షలు తెలుపుతున్నారు. తమ జీవితాల్లో తల్లి యొక్క ప్రాధాన్యం ఏంటనే విషయాన్ని పొందుపరుస్తూ.. ట్వీట్లు, పోస్టులు చేస్తున్నారు. అయితే అందరిలా ట్వీట్ చేస్తే.. అది వర్మ స్టైల్ ఎందుకు అవుతుంది. అందుకే మదర్స్ డేపై కూడా వర్మ తనదైన స్టైల్‌లో ట్వీట్ చేశారు. ‘హ్యాపీ మదర్స్ డే’ అంటూ వర్మ ఓ పది సెకన్లు నిడివిగల ఓ వీడియోని పోస్ట్ చేశారు. ఈ వీడియోలో కొందరు తల్లులు, తమ పిల్లలను కొడుతుండటం మనం గమనించవచ్చు. దీనిపై అభిమానులు పెద్ద ఎత్తున స్పందిస్తున్నారు. ‘మిమ్మల్ని కూడా మీ అమ్మ ఇలానే కొట్టిందా సార్’ అని, ‘రాము ఏం చెప్పినా అది కరెక్ట్‌గానే ఉంటుంది’ అని కామెంట్లు చేస్తున్నారు. ఇక రామ్ గోపాల్ వర్మ లేటెస్ట్ చిత్రం ‘డీ కంపెనీ’. ముంబై మాఫియా నేపథ్యంలో ఈ సినిమా సాగుతుంది. చాలా రోజుల క్రితమే ఈ సినిమా ట్రైలర్ వదిలిన వర్మ.. లేటెస్ట్‌గా సినిమాలోని మొదటి నాలుగు నిమిషాల వీడియోని రిలీజ్ చేశారు. దీనికి ప్రేక్షకుల నుంచి మంచి రెస్పాన్సే వచ్చింది. ఈ సినిమా త్వరలో ఓటీటీలో విడుదల కానుంది.
By May 09, 2021 at 01:37PM
No comments