సినీ ఇండస్ట్రీలో మరో విషాదం.. గుండెపోటుతో ప్రముఖ దర్శకుడు కన్నుమూత
గత కొన్ని నెలలుగా సినీ ఇండస్ట్రీని వరుస విషాదాలు వెంటాడుతున్నాయి. అనారోగ్య కారణాలతో సినీ ప్రముఖులు ఒక్కొక్కరుగా ఈ లోకం విడిచి వెళుతుండటం కలవరపెడుతోంది. ఓ వైపు కరోనా విలయతాండవంలో చిక్కుకొని కొందరు సినీ నటులు మృత్యువాత పడుతుండగా, ఇంకొందరు తీవ్ర అనారోగ్యంతో మరణిస్తుండటం ఆదోళన కలిగిస్తోంది. నిన్న (సోమవారం) టాలీవుడ్ యాక్టర్, జర్నలిస్ట్ TNR మరణవార్త నుంచి తేరుకోకముందే సినీ ఇండస్ట్రీలో మరో విషాదం చోటుచేసుకుంది. మలయాళీ దర్శకుడు కన్నుమూశారు. గత రాత్రి కొట్టాయం హాస్పిటల్లో గుండెపోటుతో డెన్నిస్ జోసెఫ్ మరణించారు. ఆయన మరణవార్త తెలిసి పలువురు సినీ ప్రముఖులు సంతాపం తెలుపుతున్నారు. 1985లో వచ్చిన ఈరాన్ సంధ్య సినిమాతో సినీ గడప తొక్కిన ఆయన మలయాళీ చిత్రసీమలో స్క్రీన్ రైటర్గా, దర్శకుడిగా రాణించారు. 1980- 90 దశకంలో సూపర్ హిట్ దర్శకులతో కలిసి పని చేశారు. 2021 వరకు ఆయన సినీ ప్రస్థానం కొనసాగింది. మమ్ముట్టి, మోహన్ లాల్, సురేష్ గోపీ లాంటి స్టార్ హీరోల సినిమాలకు కూడా డెన్నిస్ జోసెఫ్ కథలు అందించారు. ఆయన రాసిన కథలకు ఎన్నో అవార్డులు దక్కాయి. ట్రెండ్కు తగ్గట్లు కథలు రాయడం డెన్నిస్ ప్రత్యేకత. ఈ లెజెండ్ లేనిలోటు తీరనిది అంటూ మలయాళీ సినీ ప్రముఖులు తీవ్ర దిగ్బ్రాంతి వ్యక్తం చేస్తున్నారు.
By May 11, 2021 at 09:12AM
No comments