RGV: మళ్ళీ కెలకడం స్టార్ట్ చేసిన ఆర్జీవీ.. గురి అక్కడే! ఎన్టీఆర్‌ని లైన్ లోకి తెస్తూ షాకింగ్ కామెంట్స్
నా రూటే సపరేటు.. నాకు అనిపించింది నేను చెప్పేస్తా.. ఎవరెమంటే నాకేంటి? ఎవరో ఏదో అనుకుంటే నాకొచ్చే నష్టమేంటి? అంటూ వెళుతున్న తీరు సర్వత్రా చర్చనీయాంశంగా మారుతోంది. ఎప్పటికప్పుడు పలు విషయాలపై ఆయన చేస్తున్న కామెంట్స్ వైరల్ అవుతూనే ఉన్నాయి. కేవలం సినిమాలే కాదు ఇంటర్వ్యూల్లో, సోషల్ మీడియాలోనూ రచ్చ రచ్చ చేస్తూ కెలకాల్సిన వాళ్లందరినీ కెలుకుతున్నారు ఆర్జీవీ. ముఖ్యంగా ఏపీ రాజకీయాలపై ఆయన చేస్తున్న కామెంట్స్ సినీ, రాజకీయ వర్గాల్లో హాట్ టాపిక్ అవుతున్నాయి. గతంలో 'లక్ష్మీస్ ఎన్టీఆర్' సినిమాతో సంచలనాలు సృష్టించారు వర్మ. సరిగ్గా ఎన్నికల వేళ వర్మ విడుదల చేసిన ఈ సినిమా టీడీపీపై ప్రతికూల ప్రభావం చూపిందనే టాక్ ఉంది. ఆ తర్వాత 'క‌మ్మ‌రాజ్యంలో క‌డ‌ప‌రెడ్లు' అంటూ సెటైరికల్ సినిమాలు చేసిన ఆయన.. కొన్ని రోజులపాటు సైలెంట్ అయి ఇప్పుడు మరోసారి పొలిటికల్ పంచెస్ విసురుతున్నారు. కరోనా సెకండ్ వేవ్ విజృంభిస్తున్న వేళ మళ్లీ పొలిటిషన్స్ ఒక్కొక్కరినీ కెలుకుతూ షాకింగ్ కామెంట్స్ చేస్తున్నారు. ఈ క్రమంలోనే తాజాగా చంద్రబాబు సారథ్యంలో నడుస్తున్న టీడీపీపై సంచలన వ్యాఖ్యలు చేశారు రామ్ గోపాల్ వర్మ. తనదైన కోణంలో మాట్లాడుతూ టీడీపీ పార్టీకి చంద్రబాబు, నారా లోకేష్ కరోనా వైరస్ లాంటి వారని చెప్పిన వర్మ.. తారక్ దానికి వ్యాక్సిన్ అని తెలిపారు. టీడీపీ వర్గాలు వీలైనంత తొందరగా నారా లోకేష్ అనే డేంజరస్ వైరస్‌ని తరిమికొట్టేలా తారక్ అనే వ్యాక్సిన్ తీసుకోవాలనేది తన సలహా అంటూ ఆటం బాంబ్ విసిరారు. ఎప్పటినుంచో టీడీపీని కెలుకుతూనే ఉన్న వర్మ వీలు చిక్కిన ప్రతిసారి టీడీపీ పగ్గాలు తారక్ చేతిలో పెట్టాలని అంటుంటారు. టీడీపీని కాపాడే సత్తా కేవలం తారక్‌కి మాత్రమే ఉందని ఆయన పలు సందర్భాల్లో ట్వీట్స్ చేశారు. అయితే ఇప్పుడు మాత్రం ఏకంగా మందు లేని వైరస్‌తో టీడీపీ పెద్దలను పోల్చుతూ వర్మ ట్వీట్స్ పెట్టడం సంచలనంగా మారింది. మరోవైపు పవన్ కళ్యాణ్‌ని ఉద్దేశిస్తూ ఆర్జీవీ చేసిన కామెంట్స్ దుమారం రేపుతున్నాయి.
By April 21, 2021 at 11:02AM
No comments