Chiranjeevi: అల్లు అర్జున్ తగ్గేదే లే.. బన్నీ ఫ్యాన్స్ ఖుషీ అయ్యేలా చిరంజీవి బెస్ట్ విషెస్
నేడు (ఏప్రిల్ 8) స్టైలిష్ స్టార్ అల్లు అర్జున్ బర్త్ డే. ఈ సందర్భంగా ఆయనకు ప్రత్యేకంగా శుభాకాంక్షలు తెలుపుతున్నారు పలువురు సినీ ప్రముఖులు. హీరోయిన్స్ రష్మిక మందన, పూజా హెగ్డే, ఈషా రెబ్బా సహా తోటి హీరోల శుభాకాంక్షలతో అల్లు అర్జున్ సోషల్ మీడియా వాల్ హోరెత్తిపోతోంది. అయితే ఇందులో అందరికంటే స్పెషల్ అయ్యారు మెగాస్టార్ . అల్లుడు అల్లు అర్జున్‌కి విషెస్ చెబుతూ ఆయన చేసిన ట్వీట్ వైరల్ అవుతోంది. అల్లు అర్జున్ ప్రస్తుతం 'పుష్ప' సినిమాలో నటిస్తున్న సంగతి తెలిసిందే. ఆయన బర్త్ డే కానుకగా ఈ సినిమా నుంచి పుష్పరాజ్‌ని పరిచయం చేస్తూ స్మాల్ వీడియోతో సర్‌ప్రైజ్ చేశారు డైరెక్టర్ సుకుమార్. ఈ వీడియోలో 'తగ్గేదే.. లే' అనే మాస్ డైలాగ్‌తో రచ్చ చేశారు బన్నీ. దీంతో ఈ పుష్పరాజ్ ఇంట్రడ్యూసింగ్ వీడియో సోషల్ మీడియాను షేక్ చేస్తోంది. ఈ నేపథ్యంలో అదే డైలాగ్ వాడేస్తూ బన్నీకి పుట్టిన రోజు శుభాకాంక్షలు చెప్పడమే గాక, పుష్ప సినిమాకు బెస్ట్ ప్రమోషన్ ఇచ్చారు చిరంజీవి. 'పుష్ప' టీజర్ చూసాను. చాలా రియలిస్టిక్‌గా ఊరమాస్‌ లెవల్‌లో ఉంది. పుష్పరాజ్‌గా తగ్గేదేలే. హ్యాపీ బర్త్ డే మై డియర్ బన్నీ అంటూ ట్వీట్ చేశారు చిరంజీవి. ఈ ట్వీట్ చూసిన మెగా ఫ్యాన్స్ అల్లు అర్జున్‌కి కామెంట్ల రూపంలో పెద్ద ఎత్తున శుభాకాంక్షలు తెలుపుతున్నారు. మరోవైపు పుష్పరాజ్ ఇంట్రడ్యూసింగ్ వీడియో యూట్యూబ్‌లో మొదటి స్థానంలో ట్రెండ్ అవుతోంది.
By April 08, 2021 at 11:52AM
No comments