పవన్ కళ్యాణ్ చేసిన తప్పు అదే.. అందుకే జగన్ కక్ష కట్టి వేధిస్తున్నారు.. చంద్రబాబు సెన్సేషనల్ కామెంట్స్
పవర్ స్టార్ రీ- ఎంట్రీ మూవీ '' ఓ వైపు కలెక్షన్ల సునామీ సృష్టిస్తూనే మరోవైపు పలు వివాదాలకు కేంద్ర బిందువు అవుతోంది. ఈ సినిమా విషయమై ఏపీ ప్రభుత్వం తీసుకుంటున్న నిర్ణయాలు జనాల్లో పలు చర్చలకు తెరలేపాయి. సాధారణంగా పెద్ద హీరోల సినిమాలు విడుదలైతే స్పెషల్ షోస్ వేసుకోవడం, అలాగే రిలీజైన తొలి రోజుల్లో టికెట్ ధరలు పెంచుకోవడం ఆనవాయితీగా వస్తోంది కానీ.. పవన్ 'వకీల్ సాబ్' విషయంలో అందుకు భిన్నమైన పరిస్థితి నెలకొంది. ఈ విషయమై పవన్ ఫ్యాన్స్ జగన్ సర్కారుపై పెద్ద ఎత్తున విమర్శలు గుప్పిస్తున్నారు. ఈ నేపథ్యంలో తాజాగా ఈ ఇష్యూపై ఆంధ్రప్రదేశ్ మాజీ ముఖ్యమంత్రి, టీడీపీ అధినేత స్పందిస్తూ సెన్సేషనల్ కామెంట్స్ చేశారు. మరి కొద్దిరోజుల్లో తిరుపతి పార్లమెంట్ స్థానానికి జరగబోతున్న ఎన్నికల ప్రచారంలో భాగంగా తెలుగుదేశం పార్టీ తరఫున చంద్రబాబు నాయుడు మూడు రోజులుగా అక్కడ పర్యటిస్తున్నారు. ఈ క్రమంలోనే గత రాత్రి ఓ బహిరంగ సభలో పాల్గొన్న ఆయన.. ‘వకీల్ సాబ్' సినిమా గురించి ప్రస్తావిస్తూ ముఖ్యమంత్రి జగన్ తీరును ఉద్దేశిస్తూ సంచలన వ్యాఖ్యలు చేశారు. మీ అరాచకాలను ప్రశ్నిస్తున్నారనేగా పవన్ కళ్యాణ్‌పై వేధింపులు అంటూ జగన్‌పై విరుచుకుపడ్డారు చంద్రబాబు. ప్రజాస్వామ్యంలో ప్రశ్నించే అధికారం లేదా ? ఇంకా ఎంతకాలం ఈ దుర్మార్గం? అంటూ ఫైర్ అయ్యారు. రాజకీయ కక్షతోనే పవన్ కళ్యాణ్ 'వకీల్ సాబ్' సినిమా విషయంలో జగన్ ఇలాంటి నిర్ణయాలు తీసుకుంటున్నారని, పవన్‌ని ఆర్ధికంగా దెబ్బతీసే ప్రయత్నమే ఇది అని చంద్రబాబు అన్నారు. వకీల్ సాబ్ విషయంలో సీఎం జగన్ పోకడ సరైంది కాదంటూ పవన్ కళ్యాణ్‌కి మద్దతు పలికారు బాబు. ఇటీవల జరిగిన ప్రచారంలో వైసీపీ ప్రభుత్వంపై, చేసే పనులపై పవన్ కళ్యాణ్ తీవ్ర విమర్శలు చేశారు. అదే అతను చేసిన తప్పైపోయింది. అందుకే జగన్ కక్ష సాధింపుల జాబితాలో తాజాగా పవన్ కళ్యాణ్ కూడా చేరారని చంద్రబాబు పేర్కొనడం సర్వత్రా చర్చనీయాంశంగా మారింది. ఇంకా సీఎం జగన్ పాలనా తీరుపై విమర్శలు గుప్పిస్తూ షాకింగ్ కామెంట్స్ చేశారు చంద్రబాబు.
By April 11, 2021 at 11:13AM
No comments