చెప్పింది చేసి చూపించిన మెగాస్టార్.. అమ్మతో కలిసి 'వకీల్ సాబ్' థియేటర్లో చిరంజీవి హంగామా!!
సినిమాల్లో మెగాస్టార్ అయినా కుటుంబంతో గడపడంలో ఎప్పుడూ ముందుంటారు . లాక్ డౌన్ సమయంలో ఇంట్లో ఉంటూ అమ్మ అంజనాదేవితో పాటు భార్యాపిల్లలతో ఫుల్ ఎంజాయ్ చేసిన ఆయన, మరోవైపు సినీ కార్మికుల కోసం కదిలి వచ్చిన సంగతి మనందరికీ తెలుసు. ఇదిలా ఉంటే నిన్న (ఏప్రిల్ 9) పవన్ ఫ్యాన్స్ ఎంతగానో ఎదురు చూసిన పవర్ స్టార్ రీ- ఎంట్రీ మూవీ '' ప్రేక్షకుల ముందుకొచ్చింది. దీంతో తొలి రోజే తమ్ముడి సినిమాను అమ్మతో కలిసి వీక్షించారు మెగాస్టార్ చిరంజీవి. అమ్మతో కలిసి థియేటర్లో 'వకీల్ సాబ్' మూవీ వీక్షిస్తాన‌ని ఇటీవ‌ల చిరంజీవి ట్వీట్ చేసిన విష‌యం తెలిసిందే. రిలీజ్ డే రోజే ఆ పని పూర్తి చేశారు మెగాస్టార్. నిన్న సాయంత్రం తన త‌ల్లి , ఇతర కుటుంబ స‌భ్యుల‌తో కలిసి హైదరాబాద్ ఏఎంబీ మాల్‌లో ఈ సినిమా చూసేశారు చిరు. అమ్మ చేతిని జాగ్రత్తగా పట్టుకుని సినిమా థియేటర్ లోకి తీసుకెళ్లిన చిరంజీవి.. అమ్మ పక్కనే కూర్చొని కుటుంబ సమేతంగా సినిమాను ఆసక్తిగా వీక్షించారు. ఇందుకు సంబంధించిన ఫొటోలను తన ట్విట్టర్ ద్వారా పోస్ట్ చేసిన మెగాస్టార్.. 'అమ్మతో పాటు అందరం వకీల్ సాబ్ థియేటర్లో' అంటూ సింగిల్ లైన్ డైలాగ్‌తో ఆకట్టుకున్నారు. దీంతో ఈ ఫొటోస్ సోషల్ మీడియాలో వైరల్‌గా మారాయి. ఇకపోతే అందరిలానే తాను కూడా ఎంతో ఆసక్తిగా వకీల్ సాబ్ సినిమా కోసం ఎదురు చూస్తున్నానని, సినిమా హిట్ కావాలని ఆకాంక్షిస్తున్నానంటూ రిలీజ్‌కు ముందే చిరంజీవి చేసిన ట్వీట్ మెగా అభిమానులను హుషారెత్తించింది. బాలీవుడ్ సూపర్ హిట్ మూవీ 'పింక్' సినిమాను తెలుగులో 'వకీల్ సాబ్' పేరుతో రీమేక్ చేసి సక్సెస్ అయ్యారు డైరెక్టర్ వేణు శ్రీరామ్. దిల్ రాజు నిర్మాణంలో రూపొందిన ఈ మూవీలో పవన్ కళ్యాణ్ హీరోగా నటించగా శృతి హాసన్, అంజలి, అనన్య నాగేళ్ల, నివేదా థామస్, ప్రకాష్ రాజ్ ముఖ్య పాత్రలు పోషించారు.
By April 10, 2021 at 08:56AM
No comments