పవన్ కళ్యాణ్ సీఎం సీఎం అంటూ ఫ్యాన్స్ గోల.. పవర్ స్టార్ జబర్దస్త్ రియాక్షన్! కేవలం ఆ ఒక్కమాటతో..
ఈ సమాజంలో పేరుకు పోయిన అవినీతిని పారద్రోలడమే లక్ష్యంగా రాజకీయ ఆరంగేట్రం చేశారు పవర్ స్టార్ . స్టార్ హీరోగా ఓ వెలుగు వెలుగుతున్న సమయంలో ఆయన అడుగులు ప్రజల వైపు పడ్డాయి. జనసేన పార్టీ స్థాపించి ప్రజాసేవ దిశగా మరలిన పవన్.. ఇటు నిర్మాతల కోరిక మేరకు తిరిగి కెమెరా ముందుకుకొచ్చారు. అయినప్పటికీ అటు రాజకీయ కార్యకలాపాలు ఏ మాత్రం డిస్టర్బ్ కాకుండా కీలక పాత్ర పోషిస్తూనే సినిమాల్లో నటిస్తున్నారు. ఈ నేపథ్యంలోనే సామాజిక కోణంలో రూపొందిన కథ 'వకీల్ సాబ్'తో ఏప్రిల్ 9న ప్రేక్షకుల ముందుకు రాబోతున్నారు పవన్. బాలీవుడ్ సూపర్ హిట్ మూవీ 'పింక్' తెలుగు రీమేక్‌గా వేణు శ్రీరామ్ దర్శకత్వంలో ఈ సినిమా రూపొందింది. దిల్ రాజు, బోనీ కపూర్ సంయుక్తంగా సమర్పించారు. పవన్ రీ- ఎంట్రీ మూవీ కావడం, పైగా సామాజిక కోణంలోని ఓ అంశంతో పవన్ తెరపై కనిపించనుండటంతో ఈ సినిమాపై బోలెడన్ని అంచనాలు క్రియేట్ అయ్యాయి. అందుకు తగ్గట్టుగా ప్రమోషన్స్ చేస్తున్న చిత్రయూనిట్.. నిన్న (ఆదివారం) హైదరాబాద్‌ శిల్పకళా వేదికలో గ్రాండ్ ప్రీ రిలీజ్ ఈవెంట్ నిర్వహించింది. ఎప్పటిలాగే పవన్ అభిమానుల కోలాహలంతో శిల్పకళా వేదిక ప్రాంగణం హోరెత్తిపోయింది. పవన్ రాక సమయంలో అయితే హాల్ మొత్తం పవర్ స్టార్ నినాదాలతో దద్దరిల్లింది. ఇక వేదికపై పవన్ స్పీచ్ ప్రారంభించగానే.. సీఎం సీఎం అంటూ అభిమానులు గోల గోల చేశారు. పవన్ కనిపిస్తే మెగా ఫ్యాన్స్ అంతా గోల పెట్టడం కామనే అయినా ఇప్పుడు రాజకీయాల్లో ఉన్నారు కాబట్టి సీఎం సీఎం అంటూ గట్టిగా అరవడం కొత్తగా వచ్చి చేరింది. పవన్‌ని సీఎంగా చూడాలని అభిమానుల్లో ఉన్న బలమైన కాంక్ష బయటపడింది. అయితే పవన్ కళ్యాణ్ మాత్రం వారి నినాదాలపై స్పందించిన తీరు భేష్ అనిపించింది. సీఎం అనేది జరగాలి కానీ కోరుకుంటే వచ్చేది కాదని పవన్ అన్నారు. ''మీ గుండెల్లో స్థానం సంపాదిస్తానని నేను కలగన్నానా? ఆ స్థానం దక్కింది. అలాగే ఈ సమాజం కోసం, దేశం కోసం నా పని నేను చేసుకుంటూ వెళ్లిపోతాను. అది ఉన్నతమైన స్థానం ఇస్తే సంతోషం. నా వరకైతే మీ గుండెల్లో స్థానానికి మించింది ఏదీ లేదు. దాంతో పాటు వస్తే చూద్దాం.. అంతేగానీ దానికోసం వెంపర్లాడింది ఎప్పుడూ లేదు'' అని పవన్ అన్నారు. ఈ ఒక్కమాటతో పవర్ స్టార్ ఫ్యాన్స్ ఫిదా అయిపోయి ఈలలు వేశారు. మొత్తానికైతే గత రాత్రి శిల్ప కళా వేదిక ప్రాగణం మెగా అభిమానుల కోలాహలంతో కళకళలాడింది.
By April 05, 2021 at 10:16AM
No comments