Breaking News

అవార్డులన్నీ మిస్‌ అయిపోయినట్లే అనుకున్నాం.. కానీ ఇప్పుడు హ్యాపీ.. 'జెర్సీ' అవార్డ్‌పై నాని రియాక్షన్


ప్రతి ఏడాది ప్రకటించే ప్రతిష్టాత్మక జాతీయ చలన చిత్ర అవార్డులను కేంద్రం ప్రకటించిన సంగతి తెలిసిందే. 2020 సంవత్సరానికి గాను 67వ జాతీయ చలన చిత్ర అవార్డుల విజేతల వివరాలు తెలిపారు. ఇందులో టాలీవుడ్ నుంచి మహేష్ బాబు హీరోగా వచ్చిన 'మహర్షి' చిత్రానికి మూడు కేటగిరీల్లో, హీరోగా వచ్చిన 'జెర్సీ' చిత్రానికి రెండు కేటగిరీల్లో అవార్డ్స్ వరించాయి. దీంతో ఈ రెండు చిత్రాల యూనిట్‌లతో పాటు తెలుగు చిత్రసీమ మొత్తం ఈ హ్యాపీ మూమెంట్ ఎంజాయ్ చేస్తోంది. ఈ నేపథ్యంలో తన సినిమా జాతీయ చలన చిత్ర అవార్డు గెలుచుకోవడం పట్ల నాని రియాక్ట్ అయ్యారు. 'జెర్సీ' చిత్రానికి రెండు కేటగిరీల్లో జాతీయ అవార్డు రావడం చాలా సంతోషాన్నిచ్చిందని పేర్కొంటూ ఓ వీడియో సందేశమిచ్చారు. ఈ వీడియోలో నాని మాట్లాడుతూ.. ''ఈ మధ్యే నేను, గౌతమ్‌ ఒకసారి రీసెంట్‌గా కలిసినప్పుడు సరదాగా జోకులు వేసుకున్నాం. లాస్ట్‌ ఇయర్ అంతా పాండమిక్‌తో‌ గడిచిపోవడంతో అవార్డ్స్ ఫంక్షన్స్ లేవు. సో.. జెర్సీకి ఇక అవార్డ్స్‌ వచ్చే ఛాన్స్ లేదు అనుకున్నాం. కానీ ఇప్పుడు నేషనల్‌ అవార్డ్స్‌ ప్రకటించారు. జెర్సీ సినిమాకు రెండు అవార్డులు రావడం చాలా సంతోషంగా ఉంది. అలాగే మీతో ఈ న్యూస్‌ షేర్‌ చేసుకోవడం ఇంకా హ్యాపీగా అనిపిస్తోంది. మా టీమ్‌ అందరికీ కంగ్రాచ్యులేషన్స్ చెప్పాలి. ముందుగా దర్శకుడు గౌతమ్‌కి, కెమెరామెన్‌కి. ముఖ్యంగా ఎడిటింగ్‌లో అవార్డ్‌ గెలుచుకున్న నవీన్‌కి, ఆర్ట్ డైరెక్టర్‌కి, బ్రిలియంట్‌ మ్యూజిక్‌ ఇచ్చిన అనిరుధ్‌కి.. అలాగే ఇంత మంచి సినిమా వెనుక ఉండి సపోర్ట్ చేసిన సితార ఎంటర్‌టైన్మెంట్స్‌కి, మా ఆర్టిస్ట్‌లు సత్యరాజ్‌ గారికి, శ్రద్దాకి, మా బుడ్డోడికి అందరికీ కంగ్రాట్స్. మాతో పాటు అవార్డు గెలుచుకున్న మహర్షి టీమ్‌ అందరికీ కూడా కంగ్రాచ్యులేషన్స్. రీసెంట్‌గా మా ప్రొడక్షన్‌లో వచ్చిన 'అ!' చిత్రానికి కూడా రెండు నేషనల్ అవార్డ్స్‌ వచ్చాయి. అయితే ఈ సారి జెర్సీకి వచ్చిన ఈ అవార్డ్స్ ఇంకా కిక్కిచ్చాయి. ఆ రెండూ.. ఈ రెండూ కలిపి.. తర్వాత ఓ నాలుగైదు కొట్టేయాలి. తెలుగు సినిమా నుంచి ప్రతి సంవత్సరం మన నెంబర్‌ పెరుగుతుండటం చాలా సంతోషంగా అనిపిస్తోంది. థ్యాంక్యూ టు నేషనల్‌ అవార్డ్‌ జ్యూరీ. కంగ్రాట్స్ టు ఆల్ ది విన్నర్స్'' అన్నారు.


By March 23, 2021 at 08:32AM


Read More https://telugu.samayam.com/telugu-movies/cinema-news/hero-nani-reaction-on-jersey-movie-national-award/articleshow/81643098.cms

No comments