వామ్మో! వీళ్ల టాలెంట్ మైండ్ బ్లోయింగ్.. ఇది షోరూమ్‌ ట్రక్ కాదు!
ఇన్‌క్రెడిబుల్ ఇండియా.. మార్వ్‌లెస్ ఇండియా.. టాలెంట్ ఎవడబ్బ సొత్తూ కాదు.. అసలు మనదేశంలో టాలెంట్‌కు కొదవ లేదు. దానికి ధనిక, పేదా అనే తేడా కూడా లేదు. నగరాల్లో ఉండే టెక్ పర్సన్స్, నిపుణులకు తీసిపోనివిధంగా మారుమూల పల్లెల్లో ఉండేవాళ్లు కూడా కొత్త కొత్త ఆవిష్కరణలు చేస్తున్నారు. అసలు కొన్ని ఐడియాల గురించి వింటేనే మైండ్ బ్లోయింగ్.. ఇదిగో అలాంటిదే ఓ ఆలోచన..! ఈ ట్రాలీ ఆటోను బయట నుంచి చూస్తే ఎవరికీ ఎలాంటి అనుమానం రాదు. బాడీ కింది భాగంలో ప్రత్యేక ఏర్పాటు చేసుకున్నారు. చక్కగా ఆ ప్లేస్‌లో కోట్ల కొద్ది డబ్బు, మందు బాటిళ్లను సర్దుకోవచ్చు. అదే.. అక్రమంగానే, అనుమానం లేదు. ఆ దొంగ సరకును ఈజీగా జిల్లాలు, రాష్ట్రాల సరిహద్దులు దాటించవచ్చు. ఆ కొద్ది భాగంలో ఎన్ని మందు బాటిళ్లను అమర్చుకొని తరలిస్తున్నారో చూడండి. అక్కడ అవి ఉన్నాయని ఎవడైనా చెబితే గానీ గుర్తించలేం..! పైగా అనుమానం రాకుండా దానికి అడ్డంగా నంబర్ ప్లేట్‌ను తగిలించారు. మరి.. అక్రమార్కులకే అన్ని తెలివి తేటలుంటే.. పోలీసులు తక్కువ తిన్నారా..! ఇలాంటి తెలివితేటలను రోజూ ఎన్ని చూడట్లేదు. ఎంత మందిని పట్టుకోవట్లేదు. పైగా ఐదు రాష్ట్రాల ఎన్నికలు. ఇంకెంత జాగ్రత్తగా ఉంటారు. ఇక్కడా అదే జరిగింది. ఎక్కడ జరిగిందో తెలియదు గానీ.. ప్రముఖ వ్యాపారవేత్త షేర్ చేసిన ఈ వీడియో వైరల్ అవుతోంది. ‘పేలోడ్ అనే పదానికి సరికొత్త అర్థాన్ని ఇచ్చారు వీళ్లు. కానీ, ఈ రకమైన ఆవిష్కరణ మా పరిశోధనా కేంద్రంలో పికప్ ట్రక్ ప్రొడక్ట్ డెవలప్‌మెంట్ టీమ్‌ది మాత్రం కాదు. అసలు అలాంటి రూపకల్పనలు మా ట్రక్ తయారీలో భాగం కాదని మీకు భరోసా ఇస్తున్నా..’ అంటూ ఆనంద్ మహీంద్రా సరదా కామెంట్ కూడా చేశారు. మరి వాళ్ల ఆవిష్కరణ షో రూమ్‌లో తయారై బయటకొచ్చిన ట్రక్ లాగే ఉంది కదా!
By March 19, 2021 at 04:28PM
No comments