Breaking News

మేఘన్ కోసమే రాచరికం వదులుకోలేదు.. నన్ను ట్రాప్ చేశారు: హ్యారీ సంచలన వ్యాఖ్యలు


రాజకుటుంబం నుంచి విడిపోయిన బ్రిటన్ యువరాజు హ్యారీ, మేఘన్ దంపతులు తాజాగా ఓప్రా విన్‌ఫ్రేకు ఇచ్చిన ఇంటర్వ్యూలో పలు ఆసక్తికర విషయాలను వెల్లడించారు. రాజసౌధంలో నాలుగేళ్లూ తనకు చేదు అనుభవాల్ని మిగిల్చియాని మేఘన్ కన్నీళ్లు పెట్టుకున్నారు. తాను నేను గర్భవతిగా ఉన్న సమయంలో పుట్టబోయే బిడ్డ రంగు గురించి కుటుంబంలో చర్చ జరిగిందని తెలిపారు. నేను నల్లగా ఉన్నాను కాబట్టి.. నాకు పుట్టబోయే బిడ్డ కూడా నల్లగానే పుడతాడని వారు ఆందోళన చెందారని అన్నారు. దీని గురించి హ్యారీతోనూ చర్చించారని, మా బిడ్డకు భద్రత ఉండదని, టైటిల్‌ కూడా రాదని మాట్లాడుకున్నారని మేఘన్ వాపోయారు. కాగా, యువరాజు హ్యారీ సైతం తాను రాజకుటుంబం నుంచి విడిపోవడానికి గల కారణాలను వెల్లడించారు. కేవలం మేఘన్‌ కోసమే రాజకుటుంబం నుంచి బయటకు రాలేదని హ్యారీ తెలిపారు. నాకు తెలియకుండానే నన్ను ఉచ్చులోకి లాగారు.. అందులో నుంచి ఎలా బయటపడాలో కూడా అర్థం కాలేదు. నా తండ్రి, సోదరుడిని కూడా ట్రాప్‌ చేశారు’ అని సంచలన వ్యాఖ్యలు చేశారు. రాచరిక విధుల నుంచి తప్పుకుంటున్నట్టు ప్రకటించిన తర్వాత రాజసౌధం తమకు డబ్బులు నిలిపివేసిందని పేర్కొన్నారు. అటువంటి క్లిష్ట సమయంలో తన తల్లి ప్రిన్సెస్‌ డయానా మా కోసం దాచిపెట్టిన డబ్బులతో కుటుంబానికి భద్రత ఇవ్వగలిగానని చెప్పుకొచ్చారు. అంతేకాదు, తన తండ్రి ప్రిన్స్‌ ఛార్లెస్‌, సోదరుడు ప్రిన్స్‌ విలియంతో సంబంధాలు అంతంతమాత్రంగానే ఉన్నాయని తెలిపారు. పెళ్లి తర్వాత కుటుంబంలో అనేక పరిణామాలు చోటుచేసుకున్నాయని, తానెప్పుడూ నా కొడుక్కి రాజకుటుంబంలో హోదా రావాలని కోరుకోలేదని వివరించారు. అసలు ఆ విషయం గురించి ఎవరితోనూ చర్చించలేదని, అయినా, మాపై దుష్ప్రచారం జరిగిందన్నారు. నా తల్లి జీవితంలో జరిగినట్లుగానే మా జీవితంలోనూ జరుగుతుందేమోనని భయపడ్డాడని ఆవేదన వ్యక్తం చేశారు. నిస్సహాయ స్థితిలోనే రాజకుటుంబం నుంచి విడిపోదామని నిర్ణయానికి వచ్చినట్టు పేర్కొన్నారు. ఆ ప్రకటన చేసిన తర్వాత రాజకుటుంబం నుంచి వచ్చే డబ్బులు ఆగిపోయాయని, తండ్రి తనతో మాట్లాడటం మానేశారని భావోద్వేగానికి గురయ్యారు. తనను నమ్ముకుని వచ్చిన భార్య, కొడుకు ఆర్చీ భవిష్యత్‌ కోసమే రాజకుటుంబం నుంచి సంబంధాలు తెంచుకున్నట్టు హ్యారీ వెల్లడించారు.


By March 09, 2021 at 07:01AM


Read More https://telugu.samayam.com/latest-news/international-news/left-royal-family-not-only-for-meghan-i-was-trapped-says-prince-harry-in-winfrey-interview/articleshow/81403236.cms

No comments