Breaking News

‘A1 ఎక్స్‌ప్రెస్’ 3 రోజుల కలెక్షన్: స్లోగా నడుస్తోన్న సందీప్ కిషన్ బండి!


టాలీవుడ్‌లో గత శుక్రవారం ఏకంగా 11 సినిమాలు విడుదలయ్యాయి. కానీ, వీటిలో సందీప్ కిషన్ హీరోగా వచ్చిన ‘A1 ఎక్స్‌ప్రెస్’ తప్ప వేరే ఏ సినిమా ఆకట్టుకోలేకపోయింది. ‘A1 ఎక్స్‌ప్రెస్’ తొలి రోజు ప్రపంచ వ్యాప్తంగా మంచి షేర్ కలెక్షన్‌ను రాబట్టింది. అయితే శని, ఆదివారాల్లో ఈ సినిమా కలెక్షన్స్ తగ్గాయి. అయినప్పటికీ తొలి వారం (మూడు రోజులు) ముగిసే సరికి మొత్తం షేర్ అయితే బాగానే ఉంది. ఈ సినిమా తొలి మూడు రోజుల్లో ప్రపంచ వ్యాప్తంగా రూ.6.30 కోట్ల గ్రాస్ వసూలు చేసింది. దీనిలో డిస్ట్రిబ్యూటర్ షేర్ విలువ రూ.3.08 కోట్లు. ‘A1 ఎక్స్‌ప్రెస్’ థియేట్రికల్ రైట్స్‌ను ప్రపంచ వ్యాప్తంగా రూ.4 కోట్లకు విక్రయించారు. అంటే, ఈ సినిమా బ్రేక్ ఈవెన్‌ను అందుకోవడానికి ఇంకా సుమారు కోటి రూపాయలు కలెక్ట్ చేయాల్సి ఉంటుంది. దీనికి మరో మూడు రోజులు మాత్రమే సమయం ఉంది. ఎందుకంటే, మార్చి 11 నుంచి కొత్త సినిమాలు థియేటర్లలో సందడి చేయనున్నాయి. ‘శ్రీకారం’, ‘జాతిరత్నాలు’, ‘గాలి సంపత్’ సినిమాలు గురువారం విడుదలవుతున్నాయి. ఇవి రిలీజ్ అయ్యాయంటే ‘A1 ఎక్స్‌ప్రెస్’ షోలు తగ్గిపోతాయి. కాబట్టి ఈ మూడు రోజుల్లోనే ఈ సినిమా వీలైనంత ఎక్కువ రాబట్టాలి. కానీ, సెలవు దినాలైన శని, ఆదివారాల్లో రాని కలెక్షన్ పని దినాల్లో వస్తుందంటే అనుమానమే. ఇదిలా ఉంటే, ‘A1 ఎక్స్‌ప్రెస్’ సినిమాకు సందీప్ కిషన్ కూడా ఒక నిర్మాత. పీపుల్ మీడియా ఫ్యాక్టరీ, వెంకటాద్రి టాకీస్, అభిషేక్ అగర్వాల్ ఆర్ట్స్ బ్యానర్లపై టీజీ విశ్వప్రసాద్, అభిషేక్ అగర్వాల్, సందీప్ కిషన్, దయా పన్నెం సంయుక్తంగా నిర్మించారు. ఈ చిత్రం ద్వారా డెన్నిస్ జీవన్ కనుకొలను దర్శకుడిగా పరిచయం అయ్యారు. సందీప్ కిషన్ సరసన లావణ్య త్రిపాఠి హీరోయిన్‌గా నటించారు. భారత జాతీయ క్రీడ హాకీ నేపథ్యంలో రూపొందిన తొలి తెలుగు సినిమా ఇది. ‘A1 ఎక్స్‌ప్రెస్’ మూడు రోజు వరల్డ్‌వైడ్ షేర్ లెక్కలు నైజాం - రూ. 97 లక్షలు సీడెడ్ - రూ. 31 లక్షలు ఉత్తరాంధ్ర - రూ. 43 లక్షలు తూర్పుగోదావరి - రూ. 29 లక్షలు పశ్చిమ గోదావరి - రూ. 21 లక్షలు కృష్ణా - రూ. 27 లక్షలు గుంటూరు - రూ. 26 లక్షలు నెల్లూరు - రూ. 15 లక్షలు కర్ణాటక - రూ. 10 లక్షలు రెస్ట్ ఆఫ్ ఇండియా - 9 లక్షలు మొత్తం: రూ. 3.08 కోట్లు


By March 08, 2021 at 03:59PM


Read More https://telugu.samayam.com/telugu-movies/cinema-news/a1-express-3-days-worldwide-collection-sundeep-kishan-movie-collects-rs-6-crore-gross/articleshow/81392363.cms

No comments