Women's Day: మహిళలను అలా చూడాలని కోరుకుంటున్నా.. రామ్ గోపాల్ వర్మ వివాదాస్పద ట్వీట్
నిత్యం సమాజంలో ఏదో ఒక టాపిక్‌తో వివాదాలు సృష్టించే రామ్ గోపాల్ వర్మ తాజాగా మరోసారి తన మార్క్ చూపించారు. సందర్భంగా వివాదాస్పద ట్వీట్ చేసి వార్తల్లో నిలిచారు. మనసులో ఏదీ ఉంచుకోకుండా, ముందు ఎవరున్నా ఓపెన్‌గా మాట్లాడే వర్మ.. మహిళలకు మహిళా దినోత్సవ శుభాకాంక్షలు చెప్పనంటూ మెసేజ్ పోస్ట్ చేయడం నెట్టింట్లో హాట్ టాపిక్ అయింది. "మహిళలు ప్రతి రోజు సంతోషంగా ఉండాలని నేను కోరకుంటున్నాను. అందుకే వారికి మహిళా దినోత్సవ శుభాకాంక్షలు చెప్పను" అంటూ వర్మ సందేశం పోస్ట్ చేశారు. వర్మ పోస్ట్ చేసిన ఈ సందేశంపై నెటిజన్లు మిశ్రమంగా స్పందిస్తున్నారు. కొందరు ఈ పోస్ట్‌పై అభ్యంతరం చెబుతుంటే మరి కొందరు ఆర్జీవీకి మద్దతుగా కామెంట్స్ చేస్తున్నారు. లాక్‌డౌన్‌లో వరుస సినిమాలు చేస్తూ తనదైన పంథాలో వెళ్లిన రామ్‌గోపాల్‌ వర్మ.. మరికొద్ది రోజుల్లో 'డీ కంపెనీ' సినిమాతో ప్రేక్షకుల ముందుకు రాబోతున్నారు. ఈ సినిమా ద్వారా అండర్‌వరల్డ్‌ డాన్‌ దావూద్ ఇబ్రహీం జీవితాన్ని తెరపై ఆవిష్కరించబోతున్నారు. ఇటీవలే ఈ సినిమా తెలుగు ట్రైలర్‌ విడుదల చేశారు. ఇందులో దావూద్ ఇబ్రహీం చిన్న గ్యాంగ్‌ లీడర్‌ నుంచి పెద్ద గ్యాంగ్‌స్టర్‌గా ఎలా మారాడనేది చూపించారు. సాగర్‌ మాచనూరు నిర్మిస్తున్న ఈ సినిమా మార్చి 26న థియేటర్లలో రిలీజ్ కానుంది.
By March 08, 2021 at 03:44PM
No comments