Breaking News

ఉత్సాహం ఆపుకోలేక వధువు డాన్స్.. వరుడు సోదరుడు మృతి


ఘనంగా పెళ్లికి ఏర్పాట్లు చేశారు. మరికొన్ని గంటలే సమయం ఉంది. వధువు బారాత్ నడుస్తోంది. మేళతాళాలతో వధువును కళ్యాణ వేదికకు తీసుకు వెళ్తున్నారు. ఇంతలోనే ఆ వివాహ వేడుకలో ఘోరం జరిగింది. వధువు ఆనందోత్సాహం వరుడి కుటుంబ సభ్యుల్లోని ఒకరి ప్రాణం తీసింది. పెళ్లి ఏర్పాట్లను చూసి వధువు ఆనందోత్సవంలో మునిగింది. తన ఆనందాన్ని తట్టుకోలేక కారులో వస్తున్న ఆమె కారు టాప్ తీసి డాన్స్ చేయడం ప్రారంభించింది. అయితే వధువు డాన్స్ చూసిన అక్కడున్న వారంతా ఒక్కసారిగా మరింత జోష్‌లోకి వెళ్లారు. వరుడి బంధువులు కూడా పెద్ద సంఖ్యలో కారు చుట్టూ గుమిగూడి ఆమెతో కలిపి వారు కూడా డాన్స్ చేయడం ప్రారంభించారు. ఇంతవరకు బాగానే ఉంది. పెళ్లి గోలలో పడి వారు ఎక్కడ ఉన్నదీ మర్చిపోయారు. హైవేపై నడిరోడ్డుపై పెద్ద సంఖ్యలో జనాలు గుమిగూడి డాన్స్ చేయడంతో ట్రాఫిక్ కు ఓ వైపు తీవ్ర అంతరాయం కలిగింది. సడన్ గా ఓ కారు డాన్స్ చేస్తున్న వారి మీద నుంచి దూసుకెళ్లింది. అంతే అక్కడ అంతవరకు ఉన్న సంబరం మొత్తం సైలంట్ అయ్యింది. వధువు కారు పక్కన నిలబడి డాన్స్ చేస్తున్న వారిని వేగంగా వస్తున్న కారు ఢీకొట్టింది. ఈ దుర్ఘటనలో ఒకరి ప్రాణం పోయింది. మరోవైపు పదుల సంఖ్యలో బంధువులు ఆస్పత్రి పాలయ్యారు. ఉత్తర ప్రదేశ్ రాష్ట్రంలోని ముజఫర్ నగర్ పరిధిలో ఈ దుర్ఘటన చోటు చేసుకుంది. ముజఫర్ నగర్ లోని నైమండీ ప్రాంతంలో ఓ వివాహ వేడుక జరుగుతోంది. అంకుర్ అనే వ్యక్తితో హేమ అనే యువతికి పెళ్లి నిశ్చయమయింది. ఈ వేడుకకు వధువును ప్రత్యేకంగా కారులో తీసుకుని రావాల్సి ఉంది. డెహ్రాడూన్ హైవే నుంచి నైమండీ ప్రాంతానికి ప్రత్యేకంగా కారులో వధువు వస్తోంది. అయితే తన వివాహ వేడుకకు జరుగుతున్న ప్రాంగణానికి వచ్చేసరికి అక్కడి ఏర్పాట్లను చూసి వధువు సంభ్రమాశ్చర్యాలకు లోనయింది. కారు టాప్ ను తీసి మరి పైకి వచ్చి డాన్స్ చేయడం స్టార్ట్ చేసింది. అయితే పెళ్లికూతురు డాన్స్ చేయడంతో వరుడి బంధువులు కూడా ఉత్సాహం వచ్చింది. పెద్ద సంఖ్యలో బంధవులు ఆ కారు చుట్టూ చేరి డాన్స్ చేయడం ప్రారంభించారు. ఇంతలో అతి వేగంగా ఓ కారు డాన్స్ చేస్తున్న వారిపై దూసుకెళ్లింది. దీంతో వరుడికి సోదరుడి వరసయ్యే ప్రమోద్ అనే వ్యక్తి అక్కడికక్కడే మరణించాడు. పదుల సంఖ్యలో మిగతావారు తీవ్ర గాయాలపాలయ్యారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.


By February 18, 2021 at 12:07PM


Read More https://telugu.samayam.com/latest-news/india-news/open-sun-roofed-car-dancing-bride-one-dead-and-many-injured/articleshow/81084273.cms

No comments