సైన్యం ‘కుట్ర’కు సాక్ష్యంగా నిలిచిన ఏరోబిక్స్ ట్రెయినర్.. వీడియో వైరల్

మయన్మార్‌లో ప్రజాస్వామ్య ప్రభుత్వాన్ని కూల్చి, సైన్యం అధికారాన్ని హస్తగతం చేసుకుంది. ఎన్‌ఎల్డీ నేత ఆంగ్‌ సాన్‌ సూకీ సహా కీలక నేతలను సోమవారం గృహ నిర్బంధం చేయగా.. ఈ పరిణామానికి ఏరోబిక్స్ ట్రెయినర్ ప్రత్యక్ష సాక్షిగా నిలిచింది. ప్రస్తుతం దీనికి సంబంధించిన వీడియో సోషల్ మీడియాలో వైరల్‌ అవుతోంది. ఆ రోజు నేతలను నిర్బంధించి, పార్లమెంట్‌ను తమ అధీనంలోకి తెచుకోవడానికి కొన్ని నిమిషాల ముందు సైన్యం కాన్వాయి ఆ వైపు వెళ్లింది. అదే సమయంలో హింగ్‌ హినిన్‌ వాయ్‌ అనే ఓ ట్రెయినర్ తనను తాను మైమరచిపోయి ఏరోబిక్స్‌ చేస్తోంది. ఆ సమయంలో ఆమె వెనుక నుంచే సైన్యం కాన్వాయి పార్లమెంటు వైపు దూసుకెళుతున్నా దీన్ని ఆమె గమనించనే లేదు. ఒక నిమిషం 50 సెకెన్ల నిడివి ఉన్న ఈ వీడియోను మంగళవారం సోషల్ మీడియాలో పోస్ట్‌ చేయగా దాదాపు 1.93 కోట్ల మంది వీక్షించారు. 65 వేల మందికిపైగా షేర్‌ చేయగా.. 1.9 లక్షల మంది లైక్‌ కొట్టారు. మరోవైపు, పార్లమెంటు ఎదుట గత 11 నెలలుగా ఏరోబిక్స్‌ చేస్తూ వీడియోలు చిత్రీకరిస్తున్నానని చెబుతూ హింగ్‌ హినిన్‌ వాయ్‌ వాటిని కూడా ఫేస్‌బుక్‌లో కూడా పోస్ట్‌ చేశారు. సైన్యం కాన్వాయ్ అటువైపు వెళ్తున్నా తన వెనుక ఓం జరుగుతుందో ఆమెకు తెలియకపోవడం విశేషం. హింగ్ హినిన్ వీడియోలు ఫేస్‌బుక్, ట్విట్టర్‌, రెడ్‌ఇట్‌లో వైరల్ అవుతోంది. ‘మయన్మార్‌లోని మాస్క్ వేసుకున్న ఈ మహిళ తన దినచర్యలో భాగంగా వీడియో లైవ్ స్ట్రీమింగ్ చేస్తోంది.. తన వెనుక ఏం జరుగుతున్నదీ తెలుసుకోలేరనడానికి 2020లలో ఈ వీడియోను సంకేతంగా నిరూపించవచ్చు’ అని ఓ నెటిజన్ కామెంట్ చేశారు. ఇది రివల్యూషనరీ వర్క్‌ఔట్ అని ఓ వ్యక్తి.. 2021లో ఓ వీడియో అయితే ... మీ వెనుక తిరుగుబాటు జరుతున్నప్పుడు సాధారణంగా మీ వ్యాయామ వీడియో చేయండి అని నెటిజన్ చమత్కరించాడు.

By February 03, 2021 at 09:27AM

Read More https://telugu.samayam.com/latest-news/international-news/aerobics-instructor-khing-hnin-wai-appears-to-capture-myanmar-coup-in-dance-video/articleshow/80661852.cms