KRACK: నా ఆల్ టైమ్ ఫేవరేట్ రవితేజ.. ‘క్రాక్’పై మనసు పారేసుకున్న నిహారిక
మాస్ మహారాజా రవితేజ హీరోగా గోపీచంద్ మలినేని దర్శకత్వంలో రూపొందిన పవర్‌ఫుల్ యాక్షన్ మూవీ ‘క్రాక్’ ఈ సంక్రాంతికి ప్రేక్షకుల ముందుకు వచ్చిన విషయం తెలిసిందే. జనవరి 9న విడుదలైన ఈ సినిమాకు తొలిరోజే ఎదురుదెబ్బ తగిలింది. ఆర్థిక సమస్యలతో అనుకున్న సమయానికి విడుదల కాలేకపోయింది. జనవరి 9న సెకండ్ షో నుంచి రెండు తెలుగు రాష్ట్రాల్లో పూర్తి స్థాయి ప్రదర్శన మొదలైంది. కళ్లు కాయలు కాసేలా ఎదురుచూసిన రవితేజ అభిమానులకు ‘క్రాక్’ విందు భోజనంలా అనిపించింది. ఫస్ట్ షో నుంచే ‘క్రాక్’కు పాజిటివ్ టాక్ మొదలైంది. ఆ రోజు నుంచీ బాక్సాఫీసు వద్ద సత్తా చాటుతోంది ‘క్రాక్’. 50 శాతం ఆక్యుపెన్సీతోనే 5 రోజుల్లో బ్రేక్ ఈవెన్ పాయింట్‌ను దాటేసింది ఈ సినిమా. ‘క్రాక్’కు ప్రేక్షకుల నుంచి మాత్రమే కాకుండా సినీ ప్రముఖుల నుంచి ప్రశంసలు అందుతున్నాయి. ఇప్పటికే మెగా పవర్ స్టార్ రామ్ చరణ్ ‘క్రాక్’పై ప్రశంసల వర్షం కురిపించగా.. తాజాగా ఆ ఖాతాలో మెగా డాటర్ నిహారిక కొణిదెల చేరారు. రవితేజ తన ఫేవరేట్ అంటూ నిహారిక ట్వీట్ చేశారు. ‘‘గత రాత్రి ‘క్రాక్’ చూశాను. కిల్లర్ ఎంటర్‌టైనర్.. చాలా బాగుంది. సినిమాను పూర్తిగా ఆస్వాదించినందుకు చాలా సంతోషంగా ఉంది. ఎలివేషన్స్, కామెడీ, యాక్షన్ చాలా బాగున్నాయి. అంతేకాదు, నా ఆల్ టైమ్ ఫేవరేట్ రవితేజ గారి ప్రతి సన్నివేశంలో చంపేశారు. ఇంత మంచి విజయం సాధించినందుకు దర్శకుడు గోపీచంద్ మలినేని గారికి అభినందనలు. తమన్ అద్భుతమైన బీజీఎం ఇచ్చారు. ఎప్పటిలానే శ్రుతిహాసన్ అద్భుతంగా నటించారు. ఆమె నటనను చూడటం ట్రీట్‌లా ఉంది. వరలక్ష్మీ శరత్‌కుమార్ నిజంగా చాలా బాగా నటించారు. మొత్తం టీమ్‌కు కుదోస్’’ అని నిహారిక ట్వీట్ చేశారు. నిహారిక ట్వీట్స్‌కు రవితేజ ఫ్యాన్స్ ఫిదా అవుతున్నారు. ఆమెకు కృతజ్ఞతలు తెలియజేస్తున్నారు. ఇదిలా ఉంటే, నిహారిక ఇటీవలే పెళ్లిచేసుకున్న విషయం తెలిసిందే. డిసెంబర్ 9న వెంకట చైతన్య జొన్నలగడ్డను ఆమె వివాహం చేసుకున్నారు. పెళ్లి తరవాత కూడా ఆమె నటనను కొనసాగిస్తున్నారు. ఒక వెబ్ సిరీస్‌ను అంగీకరించారు. అనసూయ, యూట్యూబర్ నిఖిల్ విజయేంద్రతో కలిసి నిహారిక నటించబోతున్నారు. భాను రాయుడు ఈ సిరీస్‌కు దర్శకత్వం వహిస్తుండగా.. కళ్యాణ్ మాలిక్ సంగీతం సమకూరుస్తున్నారు.
By January 16, 2021 at 10:33AM
No comments