డబ్బే కావాలి.. హీరోహీరోయిన్లు, నిర్మాతలకు అదే ముఖ్యం.. లెక్కలు బయటపెట్టిన బెల్లంకొండ సురేష్

ఎప్పటిలాగే ఈ సంక్రాంతికి థియేటర్లు కళకళలాడుతున్నాయి. కరోనా కారణంగా గత 8 నెలలుగా మూతపడిన థియేటర్స్ ఓపెన్ కావడంతో ప్రేక్షకులు క్యూ కడుతన్నారు. దీంతో సంక్రాంతి ఫెస్టివల్‌ను టార్గెట్ చేస్తూ వచ్చిన సినిమాల్లో బెల్లంకొండ శ్రీనివాస్ హీరోగా వచ్చిన 'అల్లుడు అదుర్స్' మూవీ సక్సెస్ బాటలో వెళ్తోంది. ఈ నేపథ్యంలో మూవీ సక్సెస్ మీట్ గ్రాండ్‌గా నిర్వహించారు మేకర్స్. ఈ విజయోత్సవ వేడుకలో లెక్కలు బయటపెడుతూ ఓపెన్ అయ్యారు బెల్లంకొండ శ్రీనివాస్ తండ్రి . సంతోష్ శ్రీనివాస్ దర్శకత్వంలో తెరకెక్కిన అల్లుడు అదుర్స్ మూవీ సంక్రాంతి కానుకగా జనవరి 14న విడుదలైంది. ఈ సినిమాను జీ. సుబ్రహ్మణ్యం నిర్మించగా బెల్లంకొండ శ్రీనివాస్ సరసన నభా నటేష్, అను ఇమ్మాన్యుయేల్ హీరోయిన్లుగా నటించారు. చెప్పిన డేట్ కంటే ఒకరోజు ముందే థియేటర్స్‌లో ఈ సంక్రాంతి అల్లుడిని దించేసి క్లీన్ ఫామిలీ ఎంటర్‌టైనర్ మూవీగా ఈ చిత్రాన్ని నిలిపారు. ఈ క్రమంలో తాజాగా సినిమా కలెక్షన్స్ గురించి బెల్లంకొండ సురేష్ మాట్లాడిన మాటలు హాట్ టాపిక్ అయ్యాయి. బెల్లంకొండ శ్రీనివాస్ కెరీర్‌లో బెస్ట్ ఓపెనింగ్స్ అందించిన సినిమాల్లో ఒకటిగా అల్లుడు అదుర్స్ మూవీ నిలిచిందని, ఈ సినిమా తొలిరోజే మూడు కోట్ల షేర్ రాబట్టిందని బెల్లంకొండ సురేష్ తెలిపారు. కేవలం మూడు రోజుల్లోనే 10 కోట్ల రూపాయల షేర్ రాబట్టి సక్సెస్ బాటలో వెళుతోందని అన్నారు. ఈ సినిమాను చాలా రిచ్‌గా ప్రెజెంట్ చేశారని, మొత్తంగా హీరో రెమ్మ్యూనరేషన్ కాకుండానే సినిమా నిర్మాణం కోసం 32 కోట్ల రూపాయలు ఖర్చు చేశారని చెప్పారు. సినిమాకు 21 కోట్ల వరకు కేవలం శాటిలైట్, ఆడియో ద్వారా వచ్చాయని చెప్పిన బెల్లంకొండ సురేష్ మరో 11 లక్షలు వసూలైతే సేఫ్ అయినట్లే అని అన్నారు. ఇప్పటికే తొలి మూడు రోజుల్లో 10 కోట్ల మేర వచ్చాయి కాబట్టి ఇంకొంత వసూళ్లు రాబడితే ఆపై నిర్మాతకు వచ్చేది లాభాలే అని చెప్పుకోవచ్చు. అందరికి కావాల్సింది కమర్షియల్ సినిమాలే. నిర్మాతకు కావాల్సింది కూడా డబ్బులే. వేరే ఏమి అక్కర్లేదు. హీరో హీరోయిన్లకు కూడా డబ్బులే కావాలి. ఈ సినిమాతో బెల్లంకొండ సురేష్ 50 కోట్ల క్లబ్‌లో చేరతాడని అన్నారు.

By January 17, 2021 at 01:02PM

Read More https://telugu.samayam.com/telugu-movies/cinema-news/bellamkonda-suresh-speech-at-alludu-adhurs-success-meet/articleshow/80311998.cms