కూతురిని ప్రేమించాడని కాటికి పంపారు... తమిళనాడులో యువకుడి దారుణ హత్య
ప్రేమ వ్యవహారం కారణంగా ఓ యువకుడు దారుణ హత్యకు గురైన ఘటన తమిళనాడులో జరిగింది. ఆర్కాడు సమీపంలోని ముప్పదు వెట్టి పుదియ కాలనీకి చెందిన శక్తివేల్‌ కుమారుడు సూర్య(26)ఓ ప్రైవేటు కంపెనీలో పనిచేస్తున్నాడు. అదే గ్రామానికి చెందిన ఓ యువతిని కొన్నాళ్లుగా ప్రేమిస్తున్నాడు. వీరి ప్రేమ వ్యవహారం తెలుసుకున్న యువతి కుటుంబసభ్యులు సూర్యను మందలించారు. తమ కూతురిని మరిచిపోకపోతే ప్రాణాలు తీస్తామని హెచ్చరించారు. Also Read: అయినప్పటికీ సూర్య ఆ యువతితో ప్రేమ వ్యవహారం కొనసాగిస్తూ వచ్చాడు. దీంతో అతడిపై కక్ష పెంచుకున్న యువతి కుటుంబసభ్యులు గురువారం గ్రామ సమీపంలోని చెరువుగట్టు వద్ద అతడిపై కత్తులతో దాడికి పాల్పడ్డారు. తీవ్ర రక్తస్రావంతో సూర్య అపస్మారక స్థితిలోకి వెళ్లిపోవడంతో చనిపోయాడని భావించి నిందితులు పరారయ్యారు. కాసేపటి తర్వాత అటుగా వెళ్తున్న కొందరు సూర్యను పోలీసులకు సమాచారం ఇచ్చారు. పోలీసులు అతడిని సమీపంలోని ఆస్పత్రికి తరలించగా అప్పటికే చనిపోయినట్లు డాక్టర్లు తెలిపారు. సూర్య కుటుంబసభ్యుల ఫిర్యాదు మేరకు కేసు నమోదు చేశారు. విచారణలో ప్రేమ వ్యవహారం వెలుగులోకి రావడంతో పోలీసులు ఆ కోణంలోనే దర్యాప్తు చేపట్టారు.
By January 08, 2021 at 10:00AM
No comments