Breaking News

ప్రతిరోజూ ఉదయాన్నే భర్తకు హగ్.. నా దినచర్య ఇదేనంటూ అన్నీ ఓపెన్‌గా చెప్పేసిన కాజల్


సౌత్ ఇండియన్ స్టార్ హీరోయిన్ అగర్వాల్ ఇటీవలే వ్యాపారవేత్త గౌతమ్ కిచ్లూని పెళ్లాడిన సంగతి తెలిసిందే. కొన్నేళ్లుగా ఆయనతో సీక్రెట్ లవ్ నడిపించిన ఈ ముద్దుగుమ్మ తన ప్రేమ, పెళ్లి రెండు విషయాలనూ ఒకేసారి ప్రకటించి సర్‌ప్రైజ్ చేసింది. గతేడాది అక్టోబర్ 30వ తేదీన కుటుంబ సభ్యులు, అతి కొద్దిమంది సన్నిహితుల సమక్షంలో గౌతమ్ కిచ్లూని పెళ్లాడిన కాజల్.. ఆ తర్వాత కొన్ని నెలలపాటు భర్తతో సరదాగా గడిపి తిరిగి ఈ మధ్యే తన లేటెస్ట్ ప్రాజెక్ట్స్‌లో భాగమవుతోంది. పెళ్లి తర్వాత భర్త గౌతమ్ కిచ్లూతో కలిసి హనీమూన్ ట్రిప్ వేసిన కాజల్ మాల్దీవ్స్ వెళ్లి అక్కడి అందమైన ప్రదేశాల్లో ఫుల్లుగా ఎంజాయ్ చేసింది. ఈ ట్రిప్‌కి సంబంధించిన ఫొటోలు సోషల్ మీడియాలో వైరల్ అయ్యాయి. ఈ నేపథ్యంలో తాజాగా తన అభిమానులతో లైవ్ చాట్ చేసిన కాజల్ తన దినచర్య, గౌతమ్‌తో తన అటాచ్‌మెంట్ లాంటి ఎన్నో విషయాలను పంచుకుంది. ఈ చాట్‌లో కాజల్‌పై ప్రశ్నల వర్షం కురిపించారు నెటిజన్లు. ఇకపై సినిమాలు చేస్తారా? మీ ఫ్యూచర్ ప్లాన్స్ ఏంటి? అంటూ రకరకాల ప్రశ్నలు వేయడంతో అన్నింటికీ ఓపికగా సమాధానాలు చెప్పింది కాజల్. ఈ క్రమంలోనే మార్నింగ్ లేవగానే చేసే పనులేంటని ఓ నెటిజన్ అడిగిన ప్రశ్నకు కాజల్ క్రేజీగా బదులిచ్చింది. ఉదయం లేచిన వెంటనే పసుపు అల్లంతో మిక్స్ చేసిన యాపిల్ సీడ్ వెనిగర్, వేడి నీళ్లు తాగుతానని, ట్రేడ్ మీల్ మీద 30నిమిషాలు వర్కవుట్ చేస్తానని తెలిపింది. ప్రతి ఉదయం నా భర్తకు హగ్ ఇవ్వడం మాత్రం కంపల్సరీ అని ఆమె చెప్పుకొచ్చింది. ఇకపోతే తన భర్త గౌతమ్ కొత్త వ్యాపారంలోకి కూడా కాజల్ ఎంట్రీ ఇచ్చిన విషయం మనందరికీ తెలుసు. కాజల్ తన బ్రాండ్ వ్యాల్యూని గౌతమ్ బిజినెస్‌కి అప్లై చేస్తూ ఆ బిజినెస్ మరింత విస్తరించేలా చూస్తోంది.


By January 18, 2021 at 02:55PM


Read More https://telugu.samayam.com/telugu-movies/cinema-news/kajal-aggarwal-openup-on-her-daily-activities/articleshow/80327365.cms

No comments