Breaking News

‘అయ్యప్పనుమ్ కొషియుం’ రీమేక్.. పవన్ కోసం ప్రాజెక్ట్‌లోకి త్రివిక్రమ్!


మలయాళంలో సూపర్ హిట్ అయిన ‘అయ్యప్పనుమ్ కొషియుం’ మూవీని తెలుగులో , రానా దగ్గుబాటి హీరోలుగా రీమేక్ చేస్తున్న విషయం తెలిసిందే. సితార ఎంటర్‌టైన్మెంట్స్ సంస్థ ఈ భారీ ప్రాజెక్ట్‌ను రూపొందిస్తోంది. సాగర్ కె. చంద్ర దర్శకత్వం వహించనున్నారు. ఈ ప్రాజెక్ట్‌లో స్టార్ డైరెక్టర్ త్రివిక్రమ్‌ భాగం కానున్నారనే వార్త ప్రస్తుతం టాక్ ఆఫ్ ది టౌన్ అవుతోంది. ఈ వార్త పవర్ స్టార్ అభిమానులకు కొత్త ఉత్సాహాన్ని ఇస్తోంది. తమ ప్రాజెక్ట్‌లోకి త్రివిక్రమ్‌కు స్వాగతం పలుకుతూ సితార ఎంటర్‌టైన్మెంట్స్ సంస్థ నిన్న ట్వీట్ చేసింది. అయితే, ఈ క్రేజీ ప్రాజెక్ట్‌కు త్రివిక్రమ్ స్క్రీన్ ప్లే, డైలాగులు అందించనున్నారని సమాచారం. టాలీవుడ్‌కు బ్లాక్ బస్టర్ సినిమాలను అందించిన త్రివిక్రమ్.. ఇతర సినిమాలకు డైలాగ్ రైటర్‌గా పనిచేయడానికి సిద్ధంగా లేరు. నిజానికి అంత ఖాళీ కూడా ఆయనకు లేదు. అయితే, కేవలం తన స్నేహితుడు పవన్ కళ్యాణ్ కోసమే ‘అయ్యప్పనుమ్ కొషియుం’ రీమేక్‌లో త్రివిక్రమ్ పనిచేస్తున్నారని టాక్. నిజానికి హారిక అండ్ హాసిని క్రియేషన్స్, సితార ఎంటర్‌టైన్మెంట్స్ అధినేతలు ఎస్.రాధాకృష్ణ (చినబాబు), సూర్యదేవర నాగవంశీలకు త్రివిక్రమ్ అత్యంత సన్నిహితుడు. ఈ రెండు బ్యానర్లలో ఇప్పటికే త్రివిక్రమ్ చాలా సినిమాలు చేశారు. కాబట్టి, ‘అయ్యప్పనుమ్ కొషియుం’ రీమేక్‌కు త్రివిక్రమ్ పనిచేయడానికి ఇదీ కూడా ఒక కారణం కావచ్చని అంటున్నారు. ఏదేమైనా ఈ సినిమాకు త్రివిక్రమ్ మాటలు, స్క్రీన్‌ప్లే అందిస్తున్నారంటే కచ్చితంగా అవి సినిమాకు ప్రధాన ఆకర్షణగా నిలవడం ఖాయం. కాగా, ఈ సినిమాను ఇటీవలే హైదరాబాద్‌లో ప్రారంభించారు. పూజా కార్యక్రమాల్లో త్రివిక్రమ్ కూడా పాల్గొన్నారు. ఎస్. తమన్ సంగీతం సమకూరుస్తోన్న ఈ చిత్రానికి ప్రసాద్ మూరెళ్ల సినిమాటోగ్రఫి అందించనున్నారు. నవీన్ నూలీ ఎడిటర్. ఈ చిత్రం రెగ్యులర్ షూటింగ్ ఈనెల 22 నుంచి మొదలవుతుంది. ఇదిలా ఉంటే, మలయాళ వర్షన్‌లో పృథ్వీరాజ్ సుకుమారన్, బిజు మీనన్ హీరోలుగా నటించారు. ఆర్మీ రిటైర్ట్ హవల్దార్‌గా పృథ్వీరాజ్ నటించగా.. సబ్ ఇన్‌స్పెక్టర్‌ పాత్రను బిజు పోషించారు. మరి పవన్, రానా ఏఏ పాత్రలు పోషిస్తారో చూడాలి.


By January 16, 2021 at 11:40AM


Read More https://telugu.samayam.com/telugu-movies/cinema-news/trivikram-srinivas-to-work-for-pawan-kalyan-ayyappanum-koshiyum-telugu-remake/articleshow/80298435.cms

No comments