Breaking News

Anchor Praddep: చిరంజీవి ఎలానో.. యాంకర్ ప్రదీప్ కూడా అంతే: హీరో కార్తికేయ పొగడ్తలు


కొంతమంది హీరోలకు మైక్ ఇస్తే.. ఏం మాట్లాడకుండా హాయ్ బాయ్ అనేస్తుంటారు. మరికొంత మంది హీరోలైతే రాజకీయ నాయకుల్లా వీర లెవల్లో ప్రసంగాలు ఇస్తుంటారు. రెండో టైపు. మైక్ తీసుకున్నాడంటే అస్సలు వదలడు. పొగడ్తలు, అతిశయోక్తులు మామూలుగా ఉండవు. తన సినిమా ఈవెంట్లలోనే కాదు.. వేరే హీరోల ఈవెంట్లకు వెళ్లినా అదే తంతు. టీవీ షోలలో కూడా సేమ్ సీన్. తాజాగా ‘’? ప్రీ రిలీజ్ ఈవెంట్‌లోనూ మనోడి స్పీచ్‌తో అదరగొట్టేశాడు. యాంకర్ ప్రదీప్‌ని ఏకంగా మెగాస్టార్ చిరంజీవితో పోల్చాడు. ఇంతకీ కార్తికేయ ఏం మాట్లాడాడంటే.. ‘RX 100’ సినిమా తరువాత ఏడాది గ్యాప్ వచ్చింది. సినిమా ఫంక్షన్లలో మాట్లాడే అలవాటు తప్పింది. లాక్ డౌన్ వల్ల మళ్లీ అలవాటు పోయింది. అందుకే భయంగా మాట్లాడాల్సి వచ్చింది. నన్ను ఈ ఈవెంట్‌కి పిలిచిన హీరో ప్రదీప్ అన్న గురించి చెప్పాలి. ఎవరికైతే సెన్సాఫ్‌హ్యూమర్ ఎక్కువ ఉంటుందో.. ఇంటిలిజెన్స్ కూడా ఎక్కువగా ఉంటుంది. సుమ, ప్రదీప్ గారు ఈ కోవకు చెందిన వారే. ఇంటిలిజెన్స్ ఎక్కువగా ఉన్నవాళ్లు బాగా చేయగలుగుతారు. చిరంజీవి గారు.. షారుఖ్ ఖాన్‌లకు ఇంటిలిజెన్స్ బాగా ఎక్కువ. ప్రదీప్ కూడా అన్ని షోలలోనూ బాగా మాట్లాడతాడు. అంతేకాదు.. ప్రతి ఇంటిలోనూ చిరంజీవి గారు ఎలా తెలుసో.. ప్రదీప్ కూడా అలాగే తెలిసి ఉంటారు. అంతలా రీజ్ అయిపోయాడు ప్రదీప్. ప్రదీప్‌తో పోల్చుకుంటే.. నా పేరు కూడా అంతలా తెలిసి ఉండదు. మా ప్రదీప్ అని ఓన్ చేసుకుంటారు ప్రేక్షకులు. 30 రోజుల్లో ప్రేమించడం ఎలా? అనే సినిమాతో మీ ముందుకు వస్తున్న ప్రదీప్‌కి తప్పకుండా సక్సెస్ వస్తుంది. ఈ సినిమాలో ‘నీలి నీలి ఆకాశం’ అనే పాట ఎంత పెద్ద హిట్ అయ్యిందో మీకు తెలుసు. అనూప్ గారు అద్భుతమైన ట్యూన్ ఇచ్చారు. ఆయనతో నేను 90 ఎమ్ ఎల్ సినిమా చేశా.. నీలి నీలి ఆకాశం సాంగ్‌ని బీట్ చేసే సాంగ్ నాకు ఇవ్వండి అనూప్ సార్. హీరోయిన్ అమృత.. బిగిల్, రెడ్ సినిమాలతో వరుస హిట్లు అందుకుంది. ఈ సినిమాతో హ్యాట్రిక్ కొడుతుంది. నీతో కలిసి పనిచేయడానికి ఎదురుచూస్తున్నా. మీకు ప్రదీప్ ఎంత ఇష్టమో.. నాకూ అంతే ఇష్టమే. చాలా రోజుల తరువాత మళ్లీ థియేటర్స్‌లో కలుస్తున్నాం.. లాక్ డౌన్ తరువాత విడుదలైన సినిమాలు హిట్ కావడంతో మాకు ధీమా వచ్చింది’ అంటూ స్పీచ్ ఇచ్చాడు కార్తికేయ గుమ్మడికొండ.


By January 27, 2021 at 01:11PM


Read More https://telugu.samayam.com/telugu-movies/cinema-news/kartikeya-gummakonda-speech-at-30-rojullo-preminchadam-ela-pre-release-event/articleshow/80476944.cms

No comments