Alludu Adhurs: నా కొడుకుది ఓవరాక్షనా? మేమేమన్నా శంకరాభరణం తీశామా?: బెల్లంకొండ ఫైర్
బ్యాగ్రౌండ్ ఉండాలనే కానీ.. హీరో క్వాలిటీస్ లేకపోయినా హీరోలు అయిపోవచ్చని మాట టాలీవుడ్‌లో ఎక్కువగా వినిపిస్తుంటుంది. మెగా హీరోలు మొదలు.. నందమూరి, అక్కినేని ఇలా ప్రతి ఫ్యామిలీ నుంచి హీరోలు దిగుమతి అవుతుండటంతో ఈ విమర్శలు వినిపిస్తూ ఉన్నాయి. అయితే ఈ బ్యాగ్రౌండ్ అనేది కొంతమంది హీరోలకు వరం కాగా.. మరికొంతమందికి శాపంలా కూడా మారుతోంది. తన టాలెంట్‌ని చూడకుండా బ్యాగ్రౌండ్ కాదంటూ ఇటీవల ఎమోషనల్ అయ్యారు బెల్లంకొండ వారసుడు . ఆయన నటించిన సంక్రాంతి కానుకగా విడుదలై మిక్స్ టాక్‌తో నడుస్తోంది. అయితే శనివారం నాడు ఈ మూవీ సక్సెస్ మీట్ నిర్వహించగా.. తన కొడుకుది ఓవరాక్షన్ అని.. ఈ సినిమా ఫక్తు కమర్షియల్ సినిమా తప్ప ఇందులో విషయం లేదని విమర్శించే వాళ్లకు గట్టి కౌంటర్ ఇచ్చారు నిర్మాత . ఆయన మాట్లాడుతూ.. నేను ఎగ్జైటింగ్‌తో మాట్లాతున్నా.. మాట్లాడేది నిజమే. మా సినిమా ‘అల్లుడు అదుర్స్’ చిత్రాన్ని కందిరీగ వాసు కమర్షియల్‌గా తీశాడు. మేమేం శంకరాభరణం తీస్తున్నాం.. సప్తపది, సాగరసంగమం తీస్తున్నాం అని చెప్పి ‘అల్లుడు అదుర్స్’ తీయలేదు. ఈ సినిమా పక్కా కమర్షియల్ యాక్షన్ సినిమా అని చెప్పే తీశాం. మా ట్రైలర్ కానీ.. టీజర్ కానీ అలాగే చూపించాం. ఇప్పుడు అదే రిలీజ్ చేశాం. మేమేం శంకరాభరణం తీస్తాం అని చెప్పలేదు. దయచేసి అందరూ నా కొడుకుని బెల్లంకొండ శ్రీనివాస్‌లా కాకుండా యువ నటుడిగా గుర్తించండి. కొంతమంది ఓవరాక్షన్ అని అంటున్నారు. ఈరోజు ఇండస్ట్రీకి కావాల్సింది ఓవరాక్షనే. వట్టి యాక్షన్ చేస్తే సరిపోదు.. ఓవర్‌గా ఎగ్జైట్ అయ్యి ఇన్వాల్వ్ అయ్యి చేస్తేనే ఎంటర్ టైన్మెంట్ వస్తుంది. మీరు గతంలో చూసుకోండి.. ఓవరాక్టింగ్ ఉంటేనే సూపర్ హిట్ అవుతాయి. మీరు ఓవరాక్షన్ అనుకోండి.. యాక్షన్ అనుకోండి ఏదైనా అనుకోండి.. ఈ సినిమా మాకు రెవెన్యూ ముఖ్యం. తెలుగు ప్రేక్షకులే మాకు ముఖ్యం. వాళ్లే ఈ సినిమాకి ఈరోజు డబ్బులు తెస్తున్నారు. వాళ్లందరికీ పాదాభివందనాలు. ఇంత పెద్ద సూపర్ హిట్ ఇచ్చిన మా డైరెక్టర్‌కి మా చిత్ర యూనిట్‌కి మా చిత్రంలో నటించిన సోనూసూద్ ప్రత్యేక ధన్యవాదాలు. ఆయన ఎంట్రీకి క్లాప్స్ పడ్డాయి. నేను పిలిచిన వెంటనే ఈ సక్సెస్ మీట్‌కి వచ్చిన సోనూసూద్‌గారికి చాలా థాంక్స్.. దయచేసి మంచి చిత్రాన్ని ఆదరించమని.. నెగిటివ్ రివ్యూలను నమ్మొదని ప్రేక్షకుల్ని కోరారు బెల్లంకొండ సురేష్.
By January 17, 2021 at 01:39PM
No comments