Tuck Jagadish First Look: జగదీష్ నాయుడుగా పవర్‌ఫుల్ లుక్.. ఈ సారి ఫుల్ మీల్స్ అంటూ నాని
లాక్‌డౌన్ వేళ V అనే డిఫరెంట్ మూవీతో ప్రేక్షకులను పలకరించిన నాచురల్ స్టార్ మరో వైవిధ్యభరితమైన కథలో నటిస్తున్నారు. 'టక్ జగదీష్' అంటూ ప్రేక్షకుల ముందుకు రాబోతున్నారు. షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మాణంలో తెరకెక్కనున్న ఈ సినిమాలో నాని సరసన రీతూ వర్మ, ఐశ్వర్య రాజేష్ హీరోయిన్లుగా నటిస్తున్నారు. దర్శకత్వం వహిస్తున్నారు. 'టక్ జగదీష్' అనే టైటిల్ ప్రకటించినప్పటి నుంచే ఈ సినిమాపై నాని అభిమానుల్లో అంచనాలు బలపడ్డాయి. గత కొన్నిరోజులుగా ఈ మూవీ రెగ్యులర్ షూటింగ్ జరుగుతుండగా.. తాజాగా నేడు క్రిస్మస్ కానుకగా 'టక్ జగదీష్' ఫస్ట్‌లుక్ రిలీజ్ చేశారు మేకర్స్. ఈ పోస్టర్‌లో.. భోజనం ముందు కూర్చొని వెనక నుంచి కత్తి తీస్తూ నాని ఊర మాస్ లుక్‌లో కనిపించడంతో ఆయన ఫ్యాన్స్‌ పెట్టుకున్న అంచనాలు ఒక్కసారిగా రెట్టింపయ్యాయి. ఈ మూవీలో జగదీష్ నాయుడుగా నాని పవర్‌ఫుల్ రోల్ పోషిస్తున్నట్లు పోస్టర్ ద్వారా స్పష్టమవుతోంది. ఇక 'టక్ జగదీష్' ఫస్ట్‌లుక్ పోస్టర్‌ని తన ట్విట్టర్ ఖాతా ద్వారా షేర్ చేసిన నాని.. ఈ సారి ఫుల్ మీల్స్ పక్కా అంటూ కామెంట్ చేయడం అందరినీ ఆకట్టుకుంది. ఈ చిత్రంలో జగపతిబాబు, రావు రమేశ్, నాజర్, నరేశ్ ప్రధాన పాత్రల్లో నటిస్తున్నారు. థమన్ సంగీతం అందిస్తున్నారు. వచ్చే ఏడాది వేసవిలో ఈ మూవీ విడుదల కానున్నట్లు ప్రకటించారు మేకర్స్. గతంలో నాని- శివ నిర్వాణ కాంబోలో వచ్చిన 'నిన్ను కోరి' సినిమా సూపర్ హిట్ కావడంతో మరోసారి అదే కాంబోలో రాబోతున్న 'టక్ జగదీష్'పై అంచనాలు మిన్నంటాయి.
By December 25, 2020 at 12:26PM
No comments