Chiranjeevi: రామ్ చరణ్‌తో కట్ చేసుకొని ఊహించని షాకిచ్చిన చిరంజీవి! అయోమయంలో మెగా ఫ్యాన్స్
రామ్ చరణ్‌తో కట్ చేసుకున్నారా.. ఏంటిది ఆశ్చర్యంగా ఉందే! ఇంతకీ నిజమేనా..? అంటే అవువనే చెప్పుకోవాలి. తన కొడుకు చెర్రీతో సోషల్ మీడియా ఫ్రెండ్‌షిప్ కట్ చేసి మెగా అభిమానులను అయోమయంలో పడేశారు చిరంజీవి. సీనియర్ హీరోగానే గాక టాలీవుడ్ రారాజుగా వెలిగిపోతున్న చిరంజీవి ఇటీవలే సోషల్ మీడియాలో గ్రాండ్ ఎంట్రీ ఇచ్చి దూసుకుపోతున్న సంగతి తెలిసిందే. అయితే ఉన్నట్టుండి ఆయన తీసుకున్న ఓ డిసీజన్ జనాల్లో హాట్ టాపిక్ అయింది. రీసెంట్‌గానే ట్విట్టర్ ఖాతా తెరిచిన మెగాస్టార్.. వరుస ట్వీట్లతో ప్రతి విషయంపై రియాక్ట్ అవుతున్నారు. సెలబ్రిటీ సంగతులు, సమాజ పరిస్థితులపై తన అభిప్రాయలు చెబుతూ నిత్యం అందరితో టచ్‌లో ఉంటున్నారు. ముఖ్యంగా కరోనా కల్లోల సమయంలో సోషల్ మీడియాలో ఆయన పోషించిన పాత్ర ఎంతో విశిష్టమైంది. కరోనా పట్ల పలు జాగ్రత్తలు చెబుతూ ప్రేక్షకుల్లో ఉన్న భయాన్ని పోగొట్టారు మెగాస్టార్. దీంతో ఆయన యాక్టివ్‌నెస్ చూసి ట్విట్టర్‌లో చిరంజీవిని ఫాలో అయ్యేవారి సంఖ్య అంతకంతకూ పెరుగుతూ పోతోంది. కాగా ట్విట్టర్ ఖాతా ఓపెన్ చేశాక కొన్నిరోజుల పాటు తన కొడుకు రామ్ చరణ్‌ని ఫాలో అయిన చిరంజీవి.. సడెన్‌గా ఆయనను అన్‌ఫాలో చేయడంతో మెగా ఫ్యాన్స్ అయోమయంలో పడిపోయారు. అదేవిధంగా తాను ఫాలో అవుతున్న మరో వ్యక్తి డైరెక్టర్ అనిల్ రావిపూడిని కూడా అన్‌ఫాలో చేశారు చిరు. దీంతో ప్రస్తుతం ఆయన ట్విట్టర్‌లో ఫాలో అయ్యేవారి సంఖ్య జీరో అయింది. ఇది చూసి.. ఉన్నట్టుండి రామ్ చరణ్‌ని కట్ చేయడం వెనుక రీజన్ ఏమై ఉంటుందని ఆరా దీస్తున్నారు నెటిజన్లు. Also Read: ఇక చిరంజీవి సినిమాల విషయానికొస్తే.. 'ఖైదీ నెంబర్ 150'తో గ్రాండ్ రీ ఎంట్రీ ఇచ్చి దూసుకుపోతున్న ఆయన, ప్రస్తుతం కొరటాల శివ దర్శకత్వంలో 'ఆచార్య' మూవీ చేస్తున్నారు. దేవాదాయ భూముల నేపథ్యంలో తెరకెక్కుతున్న ఈ మూవీ షూటింగ్ శరవేగంగా సాగుతోంది. ఇందులో కాజల్ అగర్వాల్‌ హీరోయిన్‌గా నటిస్తుండగా.. రామ్ చరణ్ కీలక పాత్రలో కనిపించనుండటం విశేషం.
By December 04, 2020 at 01:17PM
No comments